Qar, kóktaıǵaq, jel – jeksenbige arnalǵan aýa raıy
NUR-SULTAN. QazAqparat –«Qazgıdromet» RMK 5 qańtarǵa arnalǵan aýa raıy boljamyn usynady, dep habarlaıdy QazAqparat.
Qazaqstan terrıtorııasynda atmosferalyq aýa aǵyndardyń ótýimen qubylmaly aýa raıy saqtalady, ońtústiktiń keı jerlerinde jaýyn-shashyn jaýady, respýblıkanyń soltústiginde jáne soltústik-batysyńda qar jaýady. Keı jerlerde tuman, kóktaıǵaq, burqasyn, jeldiń kúsheıýi saqtalady.
Aqmola, Soltústik Qazaqstan, Qostanaı, Qaraǵandy oblystarynyń keı jerlerinde tuman, kóktaıǵaq, jaıaý burqasyn kútiledi, Qostanaı oblysynda jel 15-20 m/s kúsheıedi.
Almaty oblysynyń keı jerlerinde tuman, kóktaıǵaq bolyp, kúndiz Jalanashkól aýdanynda jel 15-20 m/s jyldamdyqpen soǵady.
Jambyl, Túrkistan, Qyzylorda, Mańǵystaý oblystarynyń keı jerlerinde tuman, kóktaıǵaq bolyp, kúndiz Jambyl oblysynda jel 15-20 m/s kúsheıedi.
Atyraý, Batys Qazaqstan, Aqtóbe, Pavlodar, Shyǵys Qazaqstan oblystarynyń keı jerlerinde tuman túsedi.
