Aldaǵy úsh kúnde -6°S-qa deıin aıaz bolady
ASTANA. KAZINFORM — «Qazgıdromet» RMK 2026 jylǵy 3–5 qazanǵa Qazaqstan boıynsha aýa raıy boljamyn jarııalady.
Sınoptıkterdiń boljamyna sáıkes, elimide aýa raıy kúrt ózgeredi.
— Qyrkúıek aıynyń sońyndaǵy jyly kúzgi kúnderdiń ornyna Qazaqstan aýmaǵyna qýatty Soltústik tsıklonnyń kelýine baılanysty aýa raıy kúrt sýytyp, qolaısyz sıpatqa aýysady. Aýa raıy turaqsyz bolady: respýblıka aýmaǵynyń basym bóliginde jańbyr jáne qar túrinde jaýyn-shashyn kútiledi. Kezeńniń sońyna qaraı elimizdiń soltústiginde túngi ýaqytta qar, kóktaıǵaq jáne jaıaý burqasyn boljanady. Tek ońtústik pen shyǵys óńirlerde jańbyr jaýady. Elimizdiń batysy men soltústiginde túnde jáne tańerteń tuman kútiledi. Respýblıka boıynsha jeldiń kúsheıýi boljanady, — delingen habarlamada.
Aýa temperatýrasy elimizdiń soltústik jartysynda túnde -1-den -6°S-qa deıin tómendeıdi.
Kúndiz soltústik-batysta, soltústikte jáne elimizdiń ortalyǵynda aýa temperatýrasy 0, +5°S-qa deıin, shyǵysta +7+12°S-qa deıin, ońtústikte jáne ońtústik-shyǵysta +10+15°S-qa deıin, taýly aýdandarda 0, +5°S-qa deıin tómendeıdi.
Elimizdiń batysynda aýa temperatýrasy +10+18°S-qa deıin joǵarylaıdy.
Buǵan deıin Qazaqstanda kúz jyly ári qubylmaly bolady dep boljanyp otyrǵanyn jazǵan edik.
