Qar, kóktaıǵaq, tuman: Beısenbige arnalǵan aýa raıy boljamy
NUR-SULTAN. QazAqparat - 31 qazan kúni elimizdiń basym bóliginde turaqsyz aýa raıy saqtalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Reseıdiń eýropalyq terrıtorııasynda ornalasqan tsıklonnan atmosferalyq fronttardyń kelýine baılanysty Qazaqstan aýmaǵynyń basym bóliginde turaqsyz aýa raıy saqtalady. Keı jerlerde jaýyn-shashyn bolady. Jańbyr, qar jaýady. Keı óńirlerde jel kúsheıip, tuman túsedi. Soltústik aýdandarda kóktaıǵaq bolsa, ońtústikte naızaǵaı kútiledi.
Batys Qazaqstan oblysynda jel 15-20 m/s deıin kúsheıedi.
Qostanaı, Soltústik Qazaqstan oblystarynyń keı jerlerine tuman túsip, kóktaıǵaq bolady. Jel ekpini 15-20 m/s jetedi.
Aqmola oblysynyń keı jerlerinde tuman túsedi, kóktaıǵaq kútiledi. Kúndiz jel qarqyny - 15-20 m/s.
Jambyl, Aqtóbe oblystarynyń keı jerlerinde tuman túsedi, jel jyldamdyǵy sekýndyna 15-20 metrge deıin kúsheıedi.
Atyraý oblysynyń keı jerlerinde tuman kútiledi. Kúndiz jeldiń kúshi - 15-20 m/s.
Túnde jáne tańerteń Pavlodar, Qaraǵandy oblystarynyń keı jerlerine tuman túsedi. Kúndiz keı jerlerde jel ekpini 15-20 m/s deıin jetedi.
Túrkistan, Mańǵystaý oblystarynda, tańerteń jáne kúndiz Qyzylorda, kúndiz Shyǵys Qazaqstan oblystarynyń keı jerlerinde jel qarqyny 15-20 m/s deıin kúsheıedi.
Túnde Almaty oblysynyń Jalańashkól aýdanynda jel sekýndyna 15-20 metr jyldamdyqpen esedi.
