Qar, kóktaıǵaq, tuman: 5 aqpanda aýa raıyna baılanysty eskertý jarııalandy

ASTANA. KAZINFORM – Qazgıdromet 5 aqpanda aýa raıyna baılanysty birqatar óńirde eskertý jarııalady.

Sınoptıkterdiń boljamy boıynsha, tańerteń jáne kúndiz Qaraǵandy oblysynyń batysynda jaıaý burqasyn júrip, kóktaıǵaq bolady. Oblystyń batysynda, soltústiginde, ońtústiginde tuman túsedi. Tańerteń jáne kúndiz oblystyń batysynda, soltústiginde, ortalyǵynda ońtústik-shyǵystan, ońtústikten soqqan jeldiń ekpini 15-20 m/s bolady. Qaraǵandyda 5 aqpanda túnde jáne tańerteń tuman túsedi dep boljanady.

Túnde jáne kúndiz Ulytaý oblysynyń batysynda, soltústiginde, ońtústiginde, shyǵysynda jaýyn-shashyn (jańbyr, qar), kóktaıǵaq bolyp, jaıaý burqasyn júredi, al oblystyń soltústiginde, batysynda, ortalyǵynda tuman túsedi dep boljanady. Oblystyń soltústiginde, shyǵysynda, ońtústiginde ońtústik-shyǵystan jel soǵady, ekpini - 15–20 m/s. Jezqazǵanda 5 aqpanda kúndiz jaýyn-shashyn (jańbyr, qar) bolyp, jaıaý burqasyn júredi, kóktaıǵaq, tuman bolady.

Aqmola oblysynda aýa temperatýrasy túnde -17...-22 gradýs, oblystyń batysynda - 25 gradýs sýyqty kórsetip, synap baǵany kúrt tómendeıdi.

Astanada 5 aqpanda jaýyn-shashyn (qar, jańbyr), kóktaıǵaq bolyp, jaıaý burqasyn júredi. Ońtústikten jel soǵady, kúndizgi ekpini - 15-20 m/s.

Atyraý oblysynyń soltústiginde, shyǵysynda, ońtústiginde jaıaý burqasyn júredi. Oblystyń soltústiginde, shyǵysynda, ońtústiginde soltústik-batystan jel soǵady, ekpini - 15-20 m/s. Atyraýda 5 aqpanda soltústik-batystan jel soǵady, ekpini - 15-18 m/s.

5-6 aqpanda Jetisý oblysynyń soltústiginde, ortalyǵynda, taýly aýdandarynda keı ýaqyttarda tuman bolyp, shyǵystan jel soǵady, Alakól kólderi aýdanyndaǵy soqqan jeldiń ekpini 15-20 m/s, keı tustarda 23-28 m/s deıin jetedi.

Túnde jáne kúndiz Mańǵystaý oblysynyń ońtústiginde, soltústiginde, shyǵysynda, ortalyǵynda qar jaýyp, jaıaý burqasyn júredi, kóktaıǵaq bolady. Soltústik-batystan soqqan jeldiń ekpini 15-20 m/s. Aqtaýda 5 aqpanda soltústik-batystan jel soǵady, túnde jáne tańerteńgi ekpini 15-20 m/s qamtıdy.

Túrkistan oblysynyń batysynda, ońtústiginde, soltústiginde, taýly aýdandarynda tuman túsip, oblystyń batysynda, ońtústiginde, soltústiginde, taýly aýdandarynda ońtústik-batystan soqqan jeldiń ekpini 15-20 m/s, kúndiz oblystyń taý asýlaryndaǵy ekpini 23-28 m/s deıin jetedi. Shymkentte jáne Túrkistanda 5 aqpanda ońtústik-batystan jel soǵady, kúndizgi ekpini - 15-20 m/s.

Aqtóbe oblysynda aýa temperatýrasy túnde jáne kúndiz 7-12 gradýs, oblystyń batysynda, soltústiginde 15-20 gradýs aıaz bolady. Aqtóbede 5 aqpanda aýa temperatýrasy túnde jáne kúndiz 15-17 gradýs sýyqty kórsetedi, 6 aqpanda túnde 23-25 gradýs qatty aıaz bolady dep boljanady.

Qostanaı oblysynda qar jaýyp, burqasyn bolady. Oblystyń ońtústiginde, shyǵysynda jaýyn-shashyn, kóktaıǵaq bolady. Al oblystyń batysynda, soltústiginde, shyǵysynda tuman túsedi. Oblystyń soltústiginde, shyǵysynda, ońtústiginde ońtústik-batystan soltústik-batysqa oıysa soqqan jeldiń ekpini 15-20 m/s. Qostanaıda 5 aqpanda túnde jáne tańerteń qar jaýyp, burqasyndatady, kóktaıǵaq bolady. Ońtústik-batystan soltústik-batysqa oıysa soqqan jeldiń ekpini 15-20 m/s.

Aqtóbe oblysynyń ońtústiginde, shyǵysynda, ortalyǵynda jaýyn-shashyn (jańbyr, qar), kóktaıǵaq, tuman bolyp, kúndiz jaıaý burqasyn júredi. Kúndiz oblystyń ońtústiginde, shyǵysynda soltústik-batystan jel soǵady, ekpini - 15-18 m/s.

Kúndiz Abaı oblysynyń batysynda, ortalyǵynda jaıaý burqasyn júrip, oblystyń ońtústiginde, ortalyǵynda tuman túsedi. Ońtústik-shyǵystan jel soǵady, kúndiz Jarma aýdanyndaǵy ekpini 15-20 m/s, keı tusta 23-28 m/s deıin jetedi.

Kúndiz Qyzylorda oblysynyń ortalyǵynda qatty jaýyn-shashyn (jańbyr, qar), oblystyń batysynda, ortalyǵynda kóktaıǵaq bolyp, jaıaý burqasyn júredi, al oblystyń soltústiginde, ortalyǵynda tuman túsedi. Tańerteń jáne kúndiz oblystyń ortalyǵynda, batysynda, shyǵysynda ońtústik-batystan soqqan jeldiń ekpini 15-20 m/s quraıdy. Qyzylordada 5 aqpanda keı ýaqytta tuman túsip, ońtústik-batystan jel soǵady, kúndizgi ekpini - 15-20 m/s.

Jambyl oblysynda keı ýaqyttarda tuman bolyp, oblystyń ońtústik-batysynda, soltústik-shyǵysynda, taýly aýdandarynda soltústik-shyǵystan ońtústik-batysqa oıysa soqqan jeldiń ekpini 15-20 m/s, kúndiz keı tusta 23 m/s deıin jetedi. Tarazda 5 aqpanda keı ýaqyttarda tuman bolady.

Túnde Aqmola oblysynyń batysynda, soltústiginde, ońtústiginde qar jaýyp, jaıaý burqasyn júredi, kúndiz oblystyń batysynda, soltústiginde, jaýyn-shashyn (jańbyr, qar), kóktaıǵaq bolady. Oblystyń batysynda, soltústiginde, ońtústiginde tuman túsip, oblystyń batysynda, soltústiginde, shyǵysynda ońtústikten soltústik-batysqa oıysa soqqan jeldiń ekpini 15-20 m/s. Kókshetaýda 5 aqpanda tańerteń jáne kúndiz jaýyn-shashyn (jańbyr, qar), kóktaıǵaq bolyp, jaıaý burqasyn júredi.

Almaty oblysynyń ońtústiginde, taýly aýdandarynda keı ýaqyttarda tuman túsedi. Kúndiz oblystyń ońtústiginde, taýly aýdandarynda ońtústik-shyǵystan jel soǵady, ekpini - 15-20 m/s. Almatyda túnde jáne tańerteń tuman bolady. Qonaevta 5 aqpanda túnde jáne tańerteń tuman bolyp, ońtústik-shyǵystan jel soǵady, kúndizgi ekpini - 15-20 m/s.

Aıta keteıik, aýa raıyna baılanysty Mańǵystaý oblysynda jol jabyldy.