Qar, kóktaıǵaq: «QazAvtoJol» Abaı oblysynyń júrgizýshilerine úndeý jasady

ASTANA. KAZINFORM — «QazAvtoJol» Abaı oblysy júrgizýshilerine aýa raıynyń nasharlaýyna baılanysty jolda muqııat bolýdy eskertti.

Ulttyq kompanııa  1 qarasha kúni saǵat 20:00-den 5 qarasha kúni saǵat 20:00-ge deıin aımaqta daýyldyq eskertý jarııalanǵanyn qulaǵdar etti.

«4 qarashada túnde oblystyń batysynda, soltústiginde, ońtústiginde jaýyn-shashyn (jańbyr, qar), kóktaıǵaq, kúndiz jaýyn-shashyn (jańbyr, qar), kóktaıǵaq kútilip otyr. 5 qarashada qar jaýyp, jaıaý burqasyn, kóktaıǵaq bolady, oblystyń batysynda, soltústiginde, shyǵysynda qalyń qar jaýady. Oblystyń soltústiginde, shyǵysynda tuman túsedi. Ońtústik-shyǵystan soǵatyn jel ońtústik-batysqa, batysqa aýysady, ekpini 15-20, oblystyń ońtústiginde, shyǵysynda keı ýaqyttarda 23-28 m/s. Aýa temperatýrasynyń 5 qarashada túnde jáne kúndiz 5-10 aıazǵa deıin tómendeýi kútiledi», dep habarlady Ulttyq kompanııa.

Osyǵan baılanysty «QazAvtoJol» turǵyndardan jolda júrý erejelerin qatań saqtap, aýa-raıynyń qolaısyzdyǵyn eskerip, uzaq jolǵa shyqpaýdy surady.

Buǵan deıin, elimizde qar basý qaýpi bar ýchaskelerde 70 myń aǵash qalqan ornatylǵanyn jazdyq.