Qar, kóktaıǵaq: 11 óńirde aýa raıyna baılanysty eskertý jarııalandy

ASTANA. KAZINFORM – «Qazgıdromet» RMK sınoptıkteri 19 sáýirde elimizdiń 11 óńirinde qolaısyz aýa raıyna baılanysty eskertý jasady.

Sınoptıkterdiń boljamy boıynsha, Jetisý oblysynyń taýly aýdandarynda kúndiz tuman túsedi. Ońtústik-batystan jel soǵady. Oblystyń soltústiginde, ortalyǵynda túnde 1-3 gradýs úsik júredi.

Qaraǵandy oblysynyń soltústiginde, shyǵysynda qar jaýyp, kóktaıǵaq bolady, kúndiz oblystyń batysynda, shyǵysynda kóktaıǵaq bolady. Túnde jáne tańerteń oblystyń soltústiginde, shyǵysynda tuman túsedi.

Pavlodar oblysynyń ońtústiginde, shyǵysynda jaýyn-shashyn (kóbinese qar) jaýady, kóktaıǵaq bolady. Batystan jel soǵady, oblystyń ońtústik-shyǵysynda ekpini 15-20 m/s.

Soltústik Qazaqstan oblysynda ońtústikten, ońtústik-batystan jel soǵady, túnde oblystyń ońtústiginde ekpini 15-20 m/s, kúndiz 15-20 m/s.

Abaı oblysynyń batysynda, soltústiginde, ortalyǵynda qar, jaıaý burqasyn, kóktaıǵaq bolady. Kúndiz oblystyń batysynda, soltústiginde, ońtústiginde jaýyn-shashyn (jańbyr, qar) jaýady. Túnde jáne tańerteń oblystyń ońtústiginde, shyǵysynda, ortalyǵynda tuman túsedi. Jel soltústik-batystan soǵady, túnde oblystyń batysynda, soltústiginde, kúndiz oblystyń shyǵysynda, ońtústiginde, ortalyǵynda ekpini 15-20 m/s.

Shyǵys Qazaqstan oblysynyń soltústiginde, shyǵysynda, ońtústiginde qar, jaıaý burqasyn, kóktaıǵaq bolady. Jel soltústik-batystan soǵady, túnde oblystyń soltústiginde, kúndiz oblystyń batysynda, soltústiginde, ońtústiginde ekpini 15-20 m/s.

Aqmola oblysynyń batysynda jaýyn-shashyn (jańbyr, qar) jaýady. Túnde oblystyń shyǵysynda kóktaıǵaq bolady. Soltústik-shyǵystan soǵatyn jel ońtústik-batysqa aýysady, kúndiz oblystyń batysynda ekpini 15-20 m/s.

Qyzylorda oblysynda jel soltústik-batystan soǵady, kúndiz oblystyń soltústiginde, shyǵysynda, ortalyǵynda ekpini 15-20 m/s.

Qostanaı oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń batysynda, ońtústiginde tuman túsedi. Soltústik-batystan jel soǵady, kúndiz oblystyń batysynda, soltústiginde, shyǵysynda ekpini 15-20 m/s.

Aqtóbe oblysynda ońtústik-batystan soqqan jel soltústik-batysqa aýysady, kúndiz oblystyń soltústiginde, ortalyǵynda ekpini 15-18 m/s.

Jambyl oblysynyń taýly aýdandarynda tuman túsip, kúndiz naızaǵaı oınaıdy. Soltústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda ekpini 15-20 m/s. Túnde oblystyń ońtústiginde topyraq betinde 1 gradýs úsik saqtalady.

Aıta keteıik, Qazaqstanda óte jyly naýryz aıy tirkeldi.