Qar, kóktaıǵaq, burqasyn: 6 qarasha kúngi aýa raıy boljamy
NUR-SULTAN. QazAqparat - Atmosferalyq frontaldy bólikterdiń ótýimen 6 qarasha kúni Qazaqstannyń basym bóliginde qubylmaly kún raıy saqtalady. Keı jerlerde jańbyr, qar jaýady. Respýblıkanyń tek ońtústik-batysynda sársenbi jaýyn-shashynsyz ótedi. Jekelegen óńirlerde ekpindi jel, tuman, kóktaıǵaq, soltústik pen shyǵysta jaıaý burqasyn boljanady, dep habarlaıdy QazAqparat.
«Qazgıdromet» RMK málimetine sáıkes, Soltústik Qazaqstan, Qostanaı oblystarynda tuman, kóktaıǵaq, jaıaý burqasyn kútiledi. Túnde keı jerlerde, kúndiz basym bóliginde jeldiń kúshi 15-20 m/s kúsheıedi.
Aqmola oblysynyń keı jerlerinde tuman, kóktaıǵaq, jaıaý burqasyn, 15-20 m/s ekpinde jel bolady.
Pavlodar, Qaraǵandy, Almaty, Jambyl, Shyǵys Qazaqstan oblystarynyń keı jerlerinde tuman, kóktaıǵaq kútiledi. Shyǵys Qazaqstan oblysynyń jekelegen aýmaǵynda jaıaý burqasyn júredi.
Mańǵystaý, Batys Qazaqstan, Qyzylorda, Aqtóbe oblystarynyń keı jerlerinde tuman kútiledi. Mańǵystaý, Batys Qazaqstan, Túrkistan oblystarynda jel 15-20 m/s jetedi.
