Qar, kóktaıǵaq, burqasyn - 21 jeltoqsanǵa jasalǵan kún raıy boljamy
ASTANA. QazAqparat - Qazgıdromet 21 jeltoqsanda bolatyn qaýipti meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Jerorta teńizi tsıklonynyń tereń oıpatymen jáne atmosferalyq frontaldy bólimderdiń ótýimen QR basym bóliginde jaýyn-shashyn, kóbinese qar, kóktaıǵaq, jaıaý burqasyn saqtalady. QR aýmaǵy boıynsha jel kúsheıip, tuman kútiledi.
Astana qalasynda kóshpeli bultty, keı ýaqytta qar jaýyp, jaıaý burqasyn bolady. Ońtústik-batystan soltústik batysqa jel aýysady, kúshi 9-14 m/s. Aýanyń temperatýrasy túnde -10-12°S, kúndiz -7-9°S bolady.
Almaty qalasynda kóshpeli bultty, kúnniń sońynda jaýyn-shashyn (qar, jańbyr) bolady. Jel soltústik-batystan soǵady, kúshi 2-7 m/s. Aýanyń temperatýrasy túnde -4-6°S, kúndiz +2+4°S bolady.
Shymkent qalasynda kóshpeli bultty, tańerteń jáne kúndiz jaýyn-shashyn (qar, jańbyr), kóktaıǵaq, burqasyn bolady. Batystan, soltústik-batystan jel soǵady, kúshi 8-13, teńerteń jáne kúndiz 15-20 m/s. Aýanyń temperatýrasy túnde jáne kúndiz -1+1°S bolady.
