Qar, kóktaıǵaq, boran: 5 jeltoqsanǵa arnalǵan aýa raıy
NUR-SULTAN. QazAqparat - «Qazgıdromet» sınoptıkteri 5 jeltoqsan, senbi kúni el aımaqtarynda aýa raıy qandaı bolatynyn aıtty, dep habarlaıdy QazAqparat.
Atmosferalyq fronttardyń áserinen respýblıkanyń keı jerlerinde qar jaýady.
Qazaqstannyń batysynda jaýyn-shashynsyz aýa raıy saqtalady.
Keı jerlerde tuman túsedi, jaıaý burqasyn kóterilip, jel kúsheıedi. Ońtústik-shyǵysta kóktaıǵaq bolady.
Aqmola, Jambyl oblystarynyń keı jerlerinde tuman túsedi, boran soǵyp, jel ekpini 15-20 m/s jetedi.
Túrkistan oblysynyń keı jerlerinde tuman túsip, kúndiz boran soǵady. Jel jyldamdyǵy - 15-20 m/s.
Almaty oblysynda keı jerlerde tuman túsedi, kóktaıǵaq bolady.
Shyǵys Qazaqstan, Qaraǵandy oblystarynda tuman túsip, jaıaý burqasyn kóteriledi.
Batys Qazaqstan, Qostanaı, Soltústik Qazaqstan, Pavlodar oblystarynyń keı jerlerinde tuman túsedi.
Mańǵystaý oblysynyń soltústiginde 23 gradýsqa deıin qatty aıaz saqtalady.
