Qar qabylany men qara aıýdyń terisin zańsyz aýlap, satýmen aınalysqandar ustaldy
ASTANA. QazAqparat - Qylmystyq izdestirý bas basqarmasynyń jedel qyzmetkerleri sırek kezdesetin jabaıy janýarlar - qar qabylany men qara aıýlardy zańsyz atý faktilerin anyqtady, dep habarlady KırTAG Qyrǵyzstan ІІM baspasóz qyzmetine silteme jasap.
«2015 jylǵy maýsymda ІІD QІBB qyzmetkerleri belgisiz bireýlerdiń sırek kezdesetin janýarlardyń terisin satpaqshy bolǵany jaıly aqparat alady. Jedel-izdestirý sharalary barysynda Qyzyl kitapqa engizilgen sırek kezdesetin janýarlardy zańsyz atyp, satýmen aınalysqan adamdar anyqtaldy», - delingen habarlamada.
Sokýlýk aýdanynda maýsymnyń basynda eki er adamnyń qolǵa túskeni atap ótiledi.
«Ustalǵan adamdardan 4 qap tárkilengen, onda: bir qar qabylanynyń bas súıegi men terisi, qara aıýdyń eki bas súıegi men úsh terisi bolǵan. Jedel derekterge sáıkes olar terilerdi 8 myń dollarǵa satpaqshy bolǵan», - dep habarlady ІІM.
Zańsyz ańshylyq faktisi boıynsha qylmystyq is qozǵaldy.
