Qar, burqasyn, jańbyr - sársenbige arnalǵan aýa raıy boljamy

ASTANA. QazAqparat - Qazgıdromet 23 qarashaǵa arnalǵan aýa raıy boljamyn jarııalady, dep habarlaıdy QazAqparat.

Atmosferalyq aýa aǵyndarynyń ótýine baılanysty Qazaqstan Respýblıkasynyń basym bóliginde qubylmaly aýa raıy saqtalady. Jańbyr men qar túrinde jaýyn-shashyn, shyǵysynda - qar jaýady.

Respýblıka boıynsha tuman, kóktaıǵaq, oblystyń batysynda, shyǵysynda, ońtústik-shyǵysynda jel kúsheıýi, Qazaqstan Respýblıkasynyń shyǵysynda, soltústik-batysynda jaıaý burqasyn kútiledi.

Jetisýdyń taýly jáne taý bókterindegi aýdandarynda, Almaty oblysynyń ońtústiginde jáne taýly aýdandarynda, Jambyl oblysynyń soltústik-shyǵysynda, taýly aýdandarynda qatty jaýyn-shashyn (jańbyr, qar) bolady.

Shyǵys Qazaqstan oblysynyń soltústiginde, shyǵysynda, Abaı oblysynyń ońtústiginde qalyń qar jaýady.