Qar, burqasyn, kóktaıǵaq – sársenbige arnalǵan aýa raıy
NUR-SULTAN. QazAqparat – Sınoptıkterdiń boljaýynsha, sársenbide elimizde aýa raıy qubylmaly, qar jaýyp, kóktaıǵaq bolady, keı óńirlerde burqasyn soǵady, dep habarlaıdy QazAqparat Qazgıdrometke silteme jasap.
3 qarashada antıtsıklon yqpalymen elimizdiń batysy men soltústiginde kún raıy ashyq bolady. Respýblıkanyń qalǵan aýmaǵynda frontaldy bólikterdiń ótýine baılanysty aýa raıy qubylmaly bolady, jańbyr-shashyn túsedi, soltústikte, shyǵysta jáne ortalyqta qar jaýady, shyǵysta túnde qalyń qar jaýady. Respýblıkanyń basym bóliginde tuman túsip, jel kúsheıedi, soltústikte, shyǵysta jáne ortalyqta kóktaıǵaq bolady, jaıaý burqasyn soǵýy yqtımal.
Shyǵys Qazaqstan oblysynyń soltústik jartysynda, Qaraǵandy oblysynyń soltústiginde, shyǵysynda tuman túsedi, kóktaıǵaq bolady, burqasyn soǵýy múmkin, jel kúsheıip, jyldamdyǵy 15-20 m/s bolady, Shyǵys Qazaqstan oblysynda ekpini 23 m/s jetedi.
Kúndiz Almaty oblysynyń soltústik-shyǵysynda, Túrkistan oblysynyń soltústiginde, batysynda, túnde Qyzylorda oblysynyń soltústiginde, kúndiz basym bóliginde, Atyraý oblysynyń batysynda, soltústiginde jáne shyǵysynda, soltústiginde, ońtústiginde jáne Aqtóbe oblysynyń ortalyǵynda jel 15-20 m/s kúsheıedi, Qyzylorda jáne Túrkistan oblystarynda ekpini 23 m/s jetedi.
Jambyl oblysynyń soltústiginde jáne taýly aýdandarynda tuman túsýi múmkin. Kúndiz soltústik-shyǵysynda jáne taýly aýdandarynda jel 15-20 m/s kúsheıedi.
Kúndiz Mańǵystaý oblysynyń soltústik-shyǵysynda shańdy daýyl soǵady, jel 15-20 m/s kúsheıedi.
Túnde jáne tańerteń Batys Qazaqstan oblysynyń soltústiginde tuman túsýi múmkin.
Pavlodar oblysynda kóktaıǵaq bolady.
