Qar, burqasyn, kóktaıǵaq – ceısenbige arnalǵan aýa raıy
NUR-SULTAN. QazAqparat –«Qazgıdromet» RMK 26 qarashaǵa arnalǵan aýa raıy boljamyn usynady, dep habarlaıdy QazAqparat.
Respýblıkanyń soltústik, ortalyq jáne shyǵys aýmaqtarynda atmosferalyq frontaldi bólikterdiń ótýimen qubylmaly aýa raıy saqtalady. Keı jerlerde qar jaýady, kóktaıǵaq, jaıaý burqasyn bolady, shyǵysta – jel kúsheıedi.
Shyǵys Qazaqstan oblysynyń keı jerlerinde jaıaý burqasyn, tuman kútiledi, jel 15-20 m/s kúsheıedi. Qostanaı, Qaraǵandy oblystarynyń keı jerlerinde jaıaý burqasyn, tuman kútiledi, Qaraǵandy oblysynda kóktaıǵaq kútiledi.
Aqmola, Jambyl, Túrkistan, Qyzylorda, Atyraý, Batys Qazaqstan, Aktóbe, Soltústik Qazaqstan, Pavlodar, túnde Almaty oblystarynyń keı jerlerinde tuman túsedi.
