Qar, burqasyn, kóktaıǵaq: 17 óńirdi qolaısyz aýa raıy kútip tur
ASTANA. KAZINFORM — Qazaqstannyń 17 óńirinde 7 qazanǵa eskertý jarııalandy. Birqatar oblysta qar, burqasyn, kóktaıǵaq pen tuman kútiledi, al keı óńirlerde jeldiń ekpini 28 m/s-qa deıin jetýi múmkin.
Qostanaı oblysynda túnde jáne tańerteń oblystyń batysy men soltústiginde tuman kútiledi. Batys, soltústik jáne shyǵys aýdandarda ońtústik-batystan soǵatyn jeldiń ekpini 15-20, keı ýaqytta 23 m/s-qa deıin jetedi. Qostanaı qalasynda kúndiz ońtústik-batystan soǵatyn jeldiń ekpini 15-18 m/s bolady.
Pavlodar oblysynda túnde jáne tańerteń ońtústik, shyǵys jáne ortalyq aýdandarda tuman túsedi. Kúndiz oblystyń batysy, ońtústigi men ortalyǵynda ońtústik-batystan soǵatyn jeldiń ekpini 15-20 m/s-qa jetedi. Pavlodar qalasynda túnde jáne tańerteń tuman bolady. Kúndiz jeldiń ekpini 15-20 m/s-qa deıin kúsheıedi.
Túrkistan oblysynda túnde jáne tańerteń soltústik aýdandarda, sondaı-aq taýly aımaqtarda tuman kútiledi. Taýly aýdandarda ońtústik-batystan soǵatyn jeldiń ekpini 15-20 m/s bolady. Túnde taýly aımaqtarda topyraq betinde 1 gradýsqa deıin úsik júredi.
Qaraǵandy oblysynda túnde soltústik jáne shyǵys aýdandarda jaýyn-shashyn (jańbyr, qar) jaýyp, kóktaıǵaq bolady. Túnde jáne tańerteń oblystyń batysy, soltústigi men shyǵysynda tuman túsedi. Bul aýdandarda ońtústik-batystan soǵatyn jeldiń ekpini 15-20 m/s-qa jetedi. Qaraǵandyda túnde jańbyr men qar jaýady. Túnde joldarda kóktaıǵaq bolady. Kúndiz ońtústik-batystan soǵatyn jeldiń ekpini 15-20 m/s-qa deıin kúsheıedi.
Ulytaý oblysynyń soltústigi men shyǵysynda túnde jáne tańerteń tuman kútiledi. Kúndiz oblystyń soltústigi men shyǵysynda ońtústik-batystan soǵatyn jeldiń ekpini 15-20 m/s bolady. Oblystyń batysy, ońtústigi men ortalyǵynda tótenshe órt qaýpi saqtalady. Jezqazǵan qalasynda da tótenshe órt qaýpi bar.
Mańǵystaý oblysynyń batysy, ońtústigi men ortalyǵynda jańbyr, naızaǵaı kútiledi. Túnde jáne tańerteń oblystyń soltústik-batysynda tuman túsedi. Oblystyń ortalyǵynda ońtústik-shyǵystan, shyǵystan soǵatyn jeldiń ekpini 15-18 m/s bolady. Batys pen ortalyqta joǵary órt qaýpi saqtalady. Aqtaýda keı ýaqytta jańbyr jaýyp, naızaǵaı oınaıdy. Joǵary órt qaýpi saqtalady.
Jetisý oblysynyń taýly aýdandarynda túnde jáne tańerteń tuman túsedi. Oblystyń shyǵysynda ońtústik-shyǵystan soǵatyn jeldiń ekpini 15-20 m/s-qa jetedi. Túnde oblystyń soltústiginde 2 gradýsqa deıin úsik júredi. Shyǵys bóliginde joǵary órt qaýpi saqtalady.
Almaty oblysynyń taýly aýdandarynda jaýyn-shashyn (jańbyr, qar) kútiledi. Túnde jáne tańerteń taýly jáne taý bókterindegi aýdandarda tuman túsedi. Oblystyń soltústigi men taýly aımaqtarynda shyǵystan soǵatyn jeldiń ekpini 15 m/s bolady. Túnde oblystyń soltústiginde topyraq betinde 1 gradýsqa deıin úsik júredi. Shyǵys bóliginde joǵary órt qaýpi saqtalady. Almatyda túnde jáne tańerteń tuman bolady. Qonaevta da túnde jáne tańerteń tuman kútiledi.
Aqtóbe oblysynyń soltústigi men shyǵysynda túnde jáne tańerteń tuman túsedi. Kúndiz oblystyń batysy, soltústigi men shyǵysynda ońtústik-batystan, batystan soǵatyn jeldiń ekpini 15-20, keı ýaqytta 23 m/s-qa deıin jetedi. Shyǵysynda joǵary órt qaýpi, al batysy, ońtústigi men ortalyǵynda tótenshe órt qaýpi saqtalady. Aqtóbede kúndiz ońtústik-batystan soǵatyn jeldiń ekpini 15-18 m/s bolady.
Shyǵys Qazaqstan oblysynyń batysy, soltústigi men shyǵysynda jaýyn-shashyn (jańbyr, qar) túsip, kóktaıǵaq bolady. Túnde jáne tańerteń oblystyń soltústiginde tuman kútiledi. Batys, soltústik jáne shyǵys aýdandarda ońtústik-batystan, batystan soǵatyn jeldiń ekpini 15-20, keı ýaqytta 23-28 m/s-qa jetedi. Óskemende ońtústik-batystan, batystan soǵatyn jeldiń ekpini 15-18 m/s bolady.
Abaı oblysynyń soltústigi, shyǵysy jáne ortalyǵynda jaýyn-shashyn (jańbyr, qar) kútiledi. Túnde jáne tańerteń oblystyń shyǵysynda tuman túsedi. Soltústik, ońtústik jáne ortalyq aýdandarda ońtústik-batystan, batystan soǵatyn jeldiń ekpini 15-20, keı ýaqytta 23-28 m/s-qa deıin jetedi. Semeıde ońtústik-batystan, batystan soǵatyn jeldiń ekpini 15-18 m/s bolady.
Atyraý oblysynyń batysynda túnde jáne tańerteń tuman kútiledi. Kúndiz oblystyń soltústigi men shyǵysynda ońtústik-batystan soǵatyn jeldiń ekpini 15-20, keı ýaqytta 25 m/s-qa deıin jetedi. Oblysta joǵary órt qaýpi saqtalady, al ońtústiginde tótenshe órt qaýpi bar. Atyraý qalasynda da tótenshe órt qaýpi saqtalady.
Jambyl oblysynyń taýly aýdandarynda tuman túsedi. Taýly aımaqtarda ońtústik-batystan soǵatyn jeldiń ekpini 15-20 m/s-qa jetedi. Túnde taýly aýdandarda 2 gradýsqa deıin úsik júredi.
Soltústik Qazaqstan oblysynda túnde jańbyr men qar jaýyp, tómengi burqasyn jáne kóktaıǵaq kútiledi. Túnde oblystyń batysy, soltústigi men shyǵysynda ońtústik-batystan soǵatyn jeldiń ekpini 15-20 m/s, kúndiz 15-20 m/s bolady. Oblystyń batysy men ońtústiginde jel ekpini 25 m/s-qa deıin jetýi múmkin. Petropavlda túnde jańbyr men qar jaýyp, tómengi burqasyn jáne kóktaıǵaq bolady. Ońtústik-batystan soǵatyn jeldiń ekpini 15-20 m/s-qa jetedi.
Aqmola oblysynyń soltústigi men shyǵysynda túnde qar jaýyp, tómengi burqasyn kútiledi. Túnde kóktaıǵaq bolady. Túnde jáne tańerteń oblystyń batysy, soltústigi men shyǵysynda tuman túsedi. Kúndiz osy aýdandarda ońtústik-batystan soǵatyn jeldiń ekpini 15-20 m/s bolady. Kókshetaýda túnde qar jaýyp, tómengi burqasyn jáne kóktaıǵaq kútiledi. Kúndiz jeldiń ekpini 15-20 m/s-qa deıin jetedi.
Batys Qazaqstan oblysynda kúndiz batystan, ońtústik-batystan soǵatyn jeldiń ekpini 15-20, keı ýaqytta 23-28 m/s-qa deıin kúsheıedi. Oblystyń ońtústigi men shyǵysynda joǵary órt qaýpi saqtalady. Oralda batystan, ońtústik-batystan soǵatyn jeldiń ekpini 15-20 m/s bolady.
Qyzylorda oblysynda túnde soltústik jáne shyǵys aýdandarda topyraq betinde 1 gradýsqa deıin úsik júredi. Oblysta tótenshe órt qaýpi saqtalady. Soltústik jáne ortalyq aýdandarda joǵary órt qaýpi bar. Qyzylorda qalasynda da tótenshe órt qaýpi saqtalady.
