Qar, boran, jel - sársenbige arnalǵan aýa raıy
NUR-SULTAN. QazAqparat – Sársenbi kúni elimizde jel kúsheıip, boran soǵady, soltústikte qalyń qar jaýyp, ońtústik óńirlerde tuman túsip, kóktaıǵaq bolýy múmkin, dep habarlaıdy QazAqparat Qazgıdrometke silteme.
24 aqpanda Qazaqstan aýmaǵynyń basym bóliginde frontaldy bólikterdiń ótýine baılanysty qubylmaly aýa raıy saqtalady. Qar jaýady, elimizdiń soltústiginde keı jerlerde túnde qalyń qar túsedi, ońtústiginde, ońtústik-shyǵysynda, kúndiz shyǵysynda qar aralas jańbyr jaýady, tek batysta antıtsıklon yqpalymen kún raıy ashyq bolady. Elimizdiń keı jerlerinde tuman túsedi, kóktaıǵaq bolady, jel kúsheıip, boran soǵady, ońtústikte jáne soltústikte jel kúsheıip, jyldamdyǵy 30 m/s asyp ketedi.
Jambyl, Túrkistan, Qostanaı oblystarynyń keı jerlerinde tuman túsedi, kóktaıǵaq bolady, boran soǵady, jel keı jerlerde 15-20 m/s kúsheıip, ekpini 23-28 m/s jetedi, taýly aýdandarda 30 m/s asyp ketedi.
Soltústik Qazaqstan oblysynyń keı jerlerinde boran soǵýy yqtımal, jel túnde 15-20 m/s kúsheıedi, keı jerlerde jyldamdyǵy 23-28 m/s jetedi, ekpini 30 m/s asyp ketýi múmkin, kúndiz 15-20 m/s jel soǵady.
Aqmola, Qaraǵandy oblystarynyń keı jerlerinde tuman túsedi, boran soǵady, jeldiń kúshi túnde 15-20 m/s, keı jerlerde 23-28 m/s kúsheıedi, kúndiz keı jerlerde jyldamdyǵy 15-20 m/s bolady, Qaraǵandy oblysynda kúndiz ekpini 23-28 m/s jetedi.
Erteń kúndiz Pavlodar oblysynyń keı jerlerinde kóktaıǵaq bolady, jel kúsheıip, túnde keı jerlerde jyldamdyǵy 15-20 m/s jetedi, kúndiz 15-20 m/s bolady, boranmen ekpini 23-28 m/s kúsheıedi.
Qyzylorda oblysynyń keı jerlerinde kóktaıǵaq bolady, burqasyn soǵady, jel jyldamdyǵy 15-20 m/s, ekpini 23-28 m/s jetedi.
Almaty, Shyǵys Qazaqstan oblystarynyń keı jerlerinde tuman túsedi, kóktaıǵaq bolady, jel kúsheıip jyldamdyǵy 15-20 m/s, ekpini 23 m/s jetedi, Shyǵys Qazaqstan oblysynda jaıaý boran soǵýy yqtımal.
Batys Qazaqstan oblysynda jel jyldamdyǵy 15-20 m/s, boranda ekpini 23 m/s kúsheıedi.
Atyraý, Mańǵystaý, Aqtóbe oblystarynyń keı jerlerinde jaıaý boran soǵady, jel 15-20 m/s kúsheıedi, Aqtóbe oblysynda ekpini 23 m/s jetedi, Mańǵystaý oblysynyń keı jerlerinde kóktaıǵaq bolýy múmkin.
