Qar, boran, kóktaıǵaq: 30 jeltoqsanǵa arnalǵan aýa raıy boljamy

ASTANA. QazAqparat - Qazgıdromet sınoptıkteri 30 jeltoqsan, jumaǵa arnalǵan aýa raıy boljamyn usyndy, dep habarlaıdy QazAqparat.

Búgin Qazaqstan aýmaǵynyń basym bóligi tsıklon men atmosferalyq fronttardyń yqpalynda bolady. Sondyqtan qar jaýady.

Ońtústikte, batysta jaýyn-shashyn (jańbyr, qar) jaýyp, tuman bolady.

Elimizdiń soltústiginde, ortalyǵynda, shyǵysynda jaıaý burqasyn, batysynda, ońtústiginde, ortalyǵynda – kóktaıǵaq, ońtústiginde, ońtústik-shyǵysynda, shyǵysynda - jel kúsheıedi.