Qar, boran, kóktaıǵaq: 26 aqpanǵa arnalǵan aýa raıy boljamy

ASTANA. QazAqparat - Qazgıdromet sınoptıkteri 26 aqpan, jeksenbige arnalǵan aýa raıy boljamyn jarııalady.

Búgin Qazaqstannyń soltústiginde, shyǵysynda, ońtústiginde, ońtústik-shyǵysynda atmosferalyq fronttardyń áserinen turaqsyz aýa raıy saqtalady.

Qar jaýady, jaıaý burqasyn soǵady.

Qazaqstannyń ońtústik jartysynda jaýyn-shashyn (jańbyr, qar) jaýady.

Batys antıtsıklonnyń áserinen Qazaqstannyń qalǵan aýmaǵynda jaýyn-shashyn jaýmaıdy.

Respýblıkanyń ońtústik-shyǵysynda jáne batysynda kóktaıǵaq bolady.

Elimizdiń aýmaǵynda tuman túsip, jel kúsheıedi.