Qar, boran, kóktaıǵaq: 20 jeltoqsanǵa arnalǵan aýa raıy
NUR-SULTAN. QazAqparat - 20 jeltoqsanda eldiń basym bóliginde qar jaýady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Túnde Qazaqstan aýmaǵynyń ortalyq jáne shyǵys bóligine tsıklon yqpal etedi.
Saldarynan keı jerlerde qar jaýady, ońtústikte – jaýyn-shashyn, túnde qatty jaýyn-shashyn (jańbyr, qar) bolady.
Kúndiz tsıklon soltústik-shyǵysqa qaraı jyljyp, eldiń basym bóligine Soltústik-batys antıtsıklony áser ete bastaıdy.
Osyǵan baılanysty batys aýdandarda jaýyn-shashyn jaýmaıdy.
Respýblıkanyń keı jerlerinde tuman túsip, jel kúsheıedi, jaıaý burqasyn kóterilip, kóktaıǵaq bolady.
Jambyl oblysynyń keı jerlerinde tuman túsedi, kóktaıǵaq bolyp, boran soǵady. Jeldiń kúshi - 15-20 m/s, túnde jáne tańerteń - 23-28 m/s.
Almaty oblysynyń keı jerlerinde tuman túsedi, túnde Jalańashkól aýdanynda jel qarqyny 18-23 m/s deıin kúsheıedi. Kúndiz keı jerlerde kóktaıǵaq bolady.
Aqmola, Qaraǵandy oblystarynyń keı jerlerinde jaıaý burqasyn soǵyp, tuman túsedi. Jel ekpini 15-20 m/s deıin kúsheıedi.
Pavlodar, túnde Soltústik Qazaqstan, Qostanaı oblystarynyń keı jerlerinde jaıaý burqasyn soǵady, jel jyldamdyǵy 15-20 m/s jetedi.
Shyǵys Qazaqstan oblysynyń keı jerlerinde burqasyn soǵady, tuman túsedi. Jel qarqyny - 15-20 m/s, Jarma aýdanynda - 23 m/s.
Túrkistan, Mańǵystaý, Atyraý oblystarynyń keı jerlerinde tuman túsip, kóktaıǵaq bolady. Túrkistan oblysynda jeldiń kúshi -15-20 m/s.
Qyzylorda oblysynyń keı jerlerinde kóktaıǵaq, túnde jáne tańerteń jel ekpini 15-20 m/s jetedi.
Batys Qazaqstan oblysynyń keı jerlerinde tuman túsedi.
