Qar, boran, kóktaıǵaq: 13 aqpanǵa arnalǵan aýa raıy boljamy
NUR-SULTAN. QazAqparat - «Qazgıdromet» sınoptıkteri 13 aqpan, jeksenbi kúni aýa raıy qandaı bolatynyn aıtty, dep habarlaıdy QazAqparat.
Qazaqstannyń basym bóligindegi aýa raıyna soltústik-batystan jyljyp kele jatqan tsıklon jáne onymen baılanysty atmosferalyq fronttar áser etedi.
Osyǵan baılanysty qar, elimizdiń ońtústiginde, ońtústik-shyǵysynda jáne batysynda jaýyn-shashyn (jańbyr, qar) jaýady.
Keı jerlerde tuman, burqasyn soǵyp, jel kúsheıedi, elimizdiń ońtústiginde, ońtústik-shyǵysynda jáne batysynda kóktaıǵaq bolady.
Aqmola oblysynda burqasyn, oblystyń soltústik-batysynda tuman, oblystyń ońtústiginde, batysynda jel 15-20, ekpini 23-28 m/s kúsheıýi kútiledi.
Almaty oblysynyń Jalańashkól aýdanynda jeldiń 15-20 m/s kúsheıýi, túnde taýly jáne taý bókterli aýdandarda tuman, kóktaıǵaq kútiledi.
Túrkistan oblysynyń ońtústiginde, batysynda jáne taýly aýdandarynda tuman, kúndiz oblystyń soltústiginde jeldiń 15-20 m/s kúsheıýi kútiledi.
Batys Qazaqstan oblysynyń batysynda, ońtústiginde jaıaý burqasyn, kóktaıǵaq kútiledi, oblystyń batysynda, soltústiginde tuman, kúndiz oblystyń ońtústik-batysynda jel 15-20 m/s kúsheıedi.
Atyraý oblysynyń batysy men ortalyǵynda tuman, kóktaıǵaq, kúndiz oblystyń soltústigi men ortalyǵynda jeldiń 15-20 m/s kúsheıýi kútiledi.
Túnde Mańǵystaý oblysynyń soltústiginde, kúndiz basym bóliginde kóktaıǵaq, kúndiz oblystyń basym bóliginde jeldiń 15-20, ekpini 23 m/s kúsheıýi kútiledi.
Túnde Aqtóbe oblysynyń soltústiginde jaıaý burqasyn, jeldiń 15-20 m/s kúsheıýi, kúndiz oblystyń ońtústiginde, ortalyǵynda kóktaıǵaq kútiledi.
Qostanaı oblysynyń shyǵysynda, ońtústiginde burqasyn, soltústiginde tuman, shyǵys jáne ońtústiginde jeldiń 15-20 m/s kúsheıýi kútiledi.
Soltústik Qazaqstan oblysynyń ońtústik-batysynda, batysynda tuman, jaıaý burqasyn kútiledi.
Pavlodar oblysynyń batysy men ońtústiginde jaıaý burqasyn soǵyp, jel 15-20 m/s kúsheıedi.
Qaraǵandy oblysynyń batysynda, soltústiginde, ortalyǵynda jaıaý burqasyn, jeldiń 15-20 m/s kúsheıýi kútiledi.
Shyǵys Qazaqstan oblysynyń soltústiginde, ortalyǵynda jaıaý burqasyn, oblystyń batysynda, ońtústiginde jeldiń kúsheıýi kútiledi, kúshi 15-20 m/s, túnde ekpini 23 m/s.
Qyzylorda oblysynyń batys jartysynda tuman, kóktaıǵaq, tańerteń jáne kúndiz oblystyń soltústik jáne ortalyǵynda jeldiń 15-20 m/s kúsheıýi kútiledi.
Jambyl oblysynyń soltústiginde jáne taýly aýdandarynda tuman, kóktaıǵaq, ońtústik-batysynda jáne taýly aýdandarda jeldiń ekpini - 15-20 m/s.
