Qar, boran: 3 óńirde trassalar jabyldy

ASTANA.QazAqparat – Aýa raıynyń buzylýyna baılanysty 3 óńirde jol ýchaskeleri jabyldy, dep habarlaıdy QazAqparat.

KazAvtoJol málimetinshe, 10 aqpan kúni saǵat 10:00-degi aqparatqa sáıkes 3 oblysta qar, boran jáne joldyń nashar kórinýine baılanysty respýblıkalyq mańyzy bar avtojoldardyń 5 ýchaskesinde jol qozǵalysyna ýaqytsha shekteý engizildi. Avtojoldarda 337 tehnıka men 636 maman jumys istep jatyr.

Almaty oblysynda - 2 ýchaske:
- tirkemeli, jartylaı tirkemesi bar júk avtokólikteri úshin «Almaty-Óskemen» tasjoly, Qonaev-Sheńgeldi ýchaskesi;
- avtokóliktiń barlyq túri úshin «Almaty-Shelek-Qorǵas» tasjoly Baıseıit- Qorǵas arasy;
Jambyl oblysynda - 1 ýchaske:
- kóliktiń barlyq túri úshin «Almaty-Tashkent-Termez» tasjoly, Kenen-Blagoveşenka arasy, (qozǵalys eski Qordaı asýy arqyly júzege asyrylady)
Jetisý oblysynda - 2 ýchaske:
- tirkemeli jáne jartylaı tirkemesi bar júk avtokólikteri úshin «Almaty-Óskemen» tasjoly, Sheńgeldi-Qarabulaq arasy;
- «Almaty-Óskemen» tasjoly, Qarabulaq-Úsharal arasy.