Qar basý qaýpi bar ýchaskelerde 70 myń aǵash qalqan ornatyldy - QazAvtoJol

ASTANA. KAZINFORM - Qys mezgilinde kólik qozǵalysynyń qaýipsizdigin qamtamasyz etý úshin 70 myń tonna tehnıkalyq tuz, 113 myń tekshe metr qum, 170 myń tekshe metr qıyrshyq tas qaldyǵy jáne 1,3 myń tonna hımııalyq reagent ázirlendi, dep habarlaıdy «QazAvtoJol» UK» AQ baspasóz qyzmeti.

Sondaı-aq, 29 jańa angar, qum saqtaıtyn 60 shatyr jáne 24 modýldik ǵımarat salyndy. 

«Qar basý qaýpi bar 2200 shaqyrym ýchaske anyqtaldy. Osy ýchaskelerde táýekelderdiń aldyn alý maqsatynda 70 myń ýaqytsha aǵash qalqandar ornatylyp, qar qorshaýlary jasaldy», - dedi «QazAvtoJol» UK» AQ basqarma tóraǵasy Darhan Imanashev Ortalyq kommýnıkatsııalar ortalyǵy alańynda ótken baspasóz konferentsııasynda.

Sonymen qatar, jol paıdalanýshylarǵa táýlik boıy 1403 baılanys ortalyǵy qyzmet kórsetedi. 1403-ke habarlasyp, respýblıkalyq avtojoldardyń jaǵdaıy týraly kez kelgen aqparatty alýǵa bolady. Qys mezgilinde jol jaǵdaıy týraly ózekti aqparatty ıAndeks Karta, 2Gıs jáne Indrive qosymshasy arqyly bilýge bolady.

- Kólik aǵynyn jedel basqarý maqsatynda qarqyndy qozǵalysqa ıe avtomagıstraldarda aýa raıynyń qolaısyz jaǵdaılarynda jyldamdyq rejıminiń ózgerýi týraly júrgizýshilerdi habardar etý úshin 72 dana aınymaly aqparattyq tablo men belgiler ornatyldy, - delingen habarlamada.

Osyǵan deıin BQO-da júrgizýshiler aınalma jolmen júrý qıynǵa aınalǵanyn aıtyp shaǵymdanǵany týraly jazdyq.