Qar basqan Óskemendi qansha tehnıka tazalap júr
«Taza Óskemen» KMK málimetine súıensek, qar jaýǵannan keıin barlyq tehnıka men jumysshy qalany tazartý jumystaryna kiristi.
«Sońǵy bes jylda mundaı qalyń qar birinshi ret jaýyp tur. Qardy tazalaýǵa 86 arnaıy tehnıka men 185 jumysshy tartylǵan. Qazirgi tańda tehnıka tapshylyǵy joq. Qar tazalaıtyn tehnıkalardyń qyzmet etý merzimi arnaıy erejede belgilengen. Búgingi tańda tehnıkalarymyzdyń 7 paıyzy ǵana normatıvtik qujattarǵa saı emes», - deıdi «Taza Óskemen» KMK dırektory Ashat Tájenov.
Onyń aıtýynsha, jol boıynda jáne qoǵamdyq kólikterdiń sońǵy aıaldamalarynda turǵan kólikter qar tazalaıtyn tehnıkalardyń jumysyna kedergi keltirýde.
«Turǵyndardan sabyr saqtap, túsinistik tanytýdy suraımyz. Tehnıkalar úzdiksiz jumys isteýde. Bir-eki kúnde jaǵdaı retteledi», - deıdi Ashat Tájenov.
Foto: gov.kz