Qar barysy «joıylý qaýpi týǵan» ańdardyń sanatynan shyǵaryldy
Jaǵymdy jańalyq týraly QR AShM Orman sharýashylyǵy jáne janýarlar dúnıesi komıtetiniń Orman sharýashylyǵy jáne janýarlar dúnıesi basqarmasynyń basshysy Baqytbek Dúısekeev OKQ-da ótken baspasóz máslıhatynda aıtyp berdi.
«Qazaqstanda sońǵy derekter boıynsha 120-130 shaqty qar barysy bar. Qar barysy elimizde 50 myń gektar aýmaqta mekendeıdi. Onyń barlyǵy álbette, erekshe qorǵalatyn aýmaqtarǵa kirip otyr. Naqty jumystardy Bilim jáne ǵylym mınıstrliginiń ǵylymı zoologııa ınstıtýty Qazaqstannyń bıoresýrstardy qorǵaý boıysha qaýymdastyǵymen birge jumys júrgizýde. Kelesi jyly qar barysynyń ósimi nemese kemýi týrasynda naqty kórsetkish belgili bolady», - deıdi ol.
Baqytbek Dúısekeevtiń aıtýynsha, qar barysy meken etetin álemdegi 13 memleket birlesken baǵdarlama jasaǵan.
«Sońǵy derekterge súıensek, jer sharynda qazirgi ýaqytta 7,5 myńǵa jýyq qar barysy bar eken. Halyqaralyq Qyzyl kitaptyń derekteri boıynsha buryn qar barysy Jer sharynda «joıylyp ketý qaýpi bar» ańdardyń qataryna enip turǵan. Qazir jyrtqysh «qorǵalýy tıis» ańdardyń sanatyna kóshirildi. Bul 13 memlekettiń birlese atqarǵan jumysynyń arqasyndaǵy qol jetkizgen jetistik deýge bolady», - deıdi Baqytbek Dúısekeev.
Komıtet ókiliniń aıtýynsha, sońǵy 10 jylda Qazaqstanda qar barysyn zańsyz aýlaý faktisi tirkelmegen.