Qar barysy syry ashylmaǵan jumbaq jyrtqysh - Logınov
ASTANA. QazAqparat - Qar barysyn qorǵaýǵa baılanysty klýbtyń Óskemende jumys jasap jatqanyna 25 jyldaı ýaqyt boldy. Osyǵan oraı klýbty uıymdastyrýshylarynyń biri Oleg Logınov qala jastarymen kezdesti, dep habarlaıdy altaynews.
Oleg Vıtalevıch stýdentter men oqýshylardy ańyzben elitip, ózara pikir almasýǵa shaqyrdy. Tabıǵat janashyry óziniń qar barysyna arnalǵan kitabyna engen «Kıeli taýdaǵy rýhtar» atty ańyzdy naqyshyna keltire aıtyp berdi. Ańyz boıynsha «Muztaýdyń baýyryn qar barysynyń qaıyrymdy rýhy sharlap júredi-mys. Sol kári de aqyldy qar barysy adasyp ketken alpınster men saıahatshylarǵa, qıyndyqqa tap bolǵan adamdarǵa, onyń ishinde tek aq nıetti adamdarǵa kómektesedi eken. Jol kórsetip,baǵyt silteıtin kórinedi».
«Qar barysy óte jyrtqysh bolǵanmen, eshqashan óz betimen adamǵa tıispeıdi. Degenmen ol kez-kelgen iri ańdardy jeńe alady. Ol áli kúnge deıin syry ashylmaǵan jumbaq jyrtqysh. Kóptegen halyq ony kıeli dep sanaıdy,sondyqtan úlken qurmetpen qaraıdy,-dedi Oleg Logınov.
Muztaýdyń quzdarynda sırek kezdesetin ósimdikter de,ań qustar da jeterlik. Solardyń biri osy qar barysy.
«Bizdiń maqsatymyz qoǵamda qar barysyna degen qurmetti qalyptastyryp, onyń adamzat úshin eshqandaı zııansyz ekenin nasıhattaý, ony qorǵaýǵa shaqyrý» - dedi Oleg Logınov.
