Qar barysy adamdarǵa «qonaqqa» keldi
ASTANA. QazAqparat - Ońtústik Qazaqstan oblysyndaǵy Naýytsaı shatqalynda adamdar qar barysyn jaqynnan kórdi. Bul týraly tvk-uko.kz saıty habarlaıdy.
Shymkent qalasynan 55 km qashyqtyqta ornalasqan shatqalda ornalasqan demalys ornyna jaqyn kelgen qar barysy baqylaý-ótkizý beketiniń jolyn kesip ótip, jartasty taýlarǵa qaraı bet alǵan. Adamdarǵa sırek kezdesetin janýar baqylaý kamerasyna túsip qalǵan.
«Qar barysyn birinshi bolyp kúzetshi Núrken Jeńisov kórgen. Ol ony telefonyna túsirip úlgeripti», - deıdi «Altyn dán» demalys aımaǵynyń qaýipsizdik qyzmeti bastyǵynyń orynbasary Nurmahan Asqarov.
Aıta keteıik, qar barysy óte jyrtqysh bolǵanmen, eshqashan óz betimen adamǵa tıispeıdi. Degenmen ol kez-kelgen iri ańdardy jeńe alady. Ol áli kúnge deıin syry ashylmaǵan jumbaq jyrtqysh. Kóptegen halyq ony kıeli dep sanaıdy,sondyqtan úlken qurmetpen qaraıdy.
Sondaı-aq, bul jyrtqysh «joıylý qaýpi týǵan» ańdardyń sanatynan shyǵarylǵan bolatyn.
