Qar barysy VI Dúnıejúzilik kóshpendiler oıyndarynyń tumaryna aınaldy
ASTANA. KAZINFORM — Qar barysy bıylǵy Dúnıejúzilik kóshpendiler oıyndarynyń resmı tumary retinde tańdaldy, dep habarlaıdy Kabar.
Kóshpendiler oıyndary bıyl Qyrǵyzstanda ótedi jáne ártúrli elden qatysýshylar jınalady. Baǵdarlamaǵa sporttyq, mádenı jáne ǵylymı is-sharalar kiredi.
Qyrǵyzdardyń qar barysyn tańdaýy kezdeısoq emes. Bul eldiń tabıǵaty jáne mádenıetimen tyǵyz baılanysty.
DKO hatshylyǵy tumar oıyndardyń rýhyn, kúshtiń úılesimin, álemge ashyqtyqty jáne dástúrge berilgendikti jetkizetinin atap ótti. Ol aqparattyq jáne shyǵarmashylyq materıaldarda belsendi túrde qoldanylatyn bolady.
Aıta keteıik, kóshpendiler oıyndarynyń ashylýy Bishkektegi «Bishkek Arena» stadıonynda ótedi. Negizgi is-sharalar Ystyqkólde josparlanǵan. Bıyl oıynǵa 100-den astam elden 3000-nan astam sportshy qatysady. Baǵdarlamaǵa etnosporttyń 43 túri, sondaı-aq mádenı jáne ǵylymı oqıǵalar kiredi.
VI Dúnıejúzilik kóshpendiler oıynynyń resmı baǵdarlamasyna qazaqtyń kókpary endi. Bul týraly «Qazaqstan Kókpar Federatsııasynyń» prezıdenti Aıdarbek Qojanazarov habarlady.
2024 jyly Qazaqstan kókpardan Kóshpendiler oıynynyń chempıony bolǵan edi.
Eske sala keteıik, Qyrǵyzstanda Dúnıejúzilik kóshpendiler oıyndarynyń rýhanı jáne úılestirýshi ortalyǵy retinde el mártebesin zańdy túrde belgileý usynyldy.
