Qar barysy Qyrǵyzstannyń ulttyq sımvolyna aınaldy

Qyrǵyzstanda qar barysy eldiń ulttyq sımvolyna aınaldy. Qyrǵyzstan prezıdenti Sadyr Japarov tıisti jarlyqqa qol qoıdy, dep habarlaıdy Kazinform agenttiginiń menshikti tilshisi. 

Ejelgi qyrǵyz mádenıetinde barys ulylyqty, tektilikti, batyldyq pen tózimdilikti beınelegen.

Qar barysyn qorǵaý jónindegi dúnıejúzilik forýmda barys mekendeıtin 12 eldiń jáne halyqaralyq ekologııalyq qaýymdastyq ókilderiniń qoldaýymen barysty qorǵaý týraly Bishkek deklaratsııasy qabyldanyp, barys pen ekojúıeni qorǵaýdyń keshendi jahandyq júıesi bekitildi.

Qyrǵyzstan mınıstrler kabınetine respýblıkadaǵy qar barysy popýlıatsııasyn jáne onyń ekojúıesin qorǵaý, ulttyq sımvoldy tanymal etý, logotıp oılap tabý syndy qajetti sharalardy qabyldaý tapsyryldy.

Sondaı-aq birqatar memlekettik organdarǵa barystyń ulttyq nyshanyn keńinen nasıhattaý, halyqaralyq yntymaqtastyq aıasynda ekojúıeni qorǵaý sharalaryn uıymdastyrý, halyqaralyq platformalarda ınvestıtsııa tartý, sondaı-aq ulttyq sımvoldy týrıstik segmentte paıdalaný tapsyryldy.

Esterińizge sala keteıik, Qar barysy – halyqaralyq tabıǵatty qorǵaý odaǵynyń qyzyl tizimine engizilgen jáne álemniń 12 elinde sırek kezdesedi.

Jabaıy tabıǵatta qar barysynyń joǵalyp ketýi ekologııalyq tepe-teńdiktiń buzylý qaýpin týdyrady. Al bul janýarlar men adamzatqa zııandy áser etedi.