Qar aralas jańbyr, kúshti jel, tuman jáne kóktaıǵaq - jeksenbidegi aýa raıy
NUR-SULTAN. QazAqparat – Jeksenbi elimizde aýa raıy qubylmaly bolady, dep habarlaıdy QazAqparat Qazgıdrometke silteme jasap.
31 qazanda frontaldy aǵyndardyń saldarynan respýblıkanyń basym bóliginde aýa raıy qubylmaly bolady, jańbyr, qar jaýady, tek batysta jáne ońtústik óńirlerde kún raıy ashyqbolady.
Soltústik Qazaqstan oblysynyń soltústiginde tuman túsip, kóktaıǵaq bolady, burqasyn soǵýy múmkin, oblystyń ońtústik-shyǵysynda jel jyldamdyǵy 15-25 m/s jetedi.
Aqmola oblysynda, Qostanaı oblysynyń soltústiginde, shyǵysynda, Shyǵys Qazaqstan oblysynyń soltústigi men batysynda tuman túsip, kóktaıǵaq bolady, jeldiń kúshi 15-20 m/s jetedi.
Pavlodar oblysynda jel kúsheıip, jyldamdyǵy 15-20 m/s jetedi, oblystyń batysy men ońtústiginde ekpini 23 m/s bolady, oblystyń soltústiginde kóktaıǵaq bolady, jaıaý burqasyn soǵýy yqtımal.
Túnde Qaraǵandy oblysynyń soltústiginde, ortalyǵynda, kúndiz soltústiginde, shyǵysynda jáne ortalyǵynda kóktaıǵaq bolady, jaıaý burqasyn soǵady, jeldiń jyldamdyǵy 15-20 m/s jetedi.
Túnde jáne tańerteń Batys Qazaqstan oblysynyń soltústiginde, Atyraý oblysy, Mańǵystaý oblysynyń batysynda, soltústiginde jáne ortalyǵynda, Aqtóbe oblysynyń batysynda, Túrkistan oblysynyń taýly aımaqtarynda tuman túsedi.
Jambyl oblysynyń taýly aımaqtarynda – 15-20 m/s jel soǵady, túnde jáne tańerteń tuman túsýi múmkin.
