Qar aralas jańbyr, burshaq – 10 qazan kúngi aýa raıy boljamy
NUR-SULTAN. QazAqparat – 10 qazan kúni Qazaqstannyń basym bóligi antıtsıklon yqpalynda bolady. Soǵan baılanysty jaýyn-shashynsyz aýa raıy saqtalady. Tek soltústik-batysta jáne soltústikte atmosferalyq frontaldy bólikterdiń ótýine baılanysty naızaǵaı oınap, jańbyr jaýady. Soltústik-batysta – túnde jaýyn-shashyn (jańbyr, qar aralas jańbyr), soltústikte burshaq jaýýy yqtımal. El boıynsha jekelegen óńirlerde tuman, ekpindi jel, ońtústik-batysta shańdy daýyl boljanady, dep habarlaıdy QazAqparat.
Atap aıtqanda, tańerteń jáne kúndiz Qyzylorda, kúndiz Aqmola, Soltústik Qazaqstan oblystarynyń keı jerlerinde naızaǵaı kútiledi, jel 15-20 m/s kúsheıedi. Qyzylorda oblysynda jeldiń kúshi ekpini 25 m/s jetedi. Soltústik Qazaqstan oblysynda burshaq jaýýy yqtımal.
Qostanaı oblysynyń keı jerlerinde naızaǵaı, tuman, 15-20 m/s ekpindegi jel boljanady.
Jambyl, Mańǵystaý, Aqtóbe oblystarynyń keı jerlerin tuman basyp, jeldiń kúshi 15-20 m/s artady. Mańǵystaý oblysynda-shańdy daýyl kútiledi.
Atyraý, Batys Qazaqstan, túnde Almaty oblystarynyń keı jerlerinde tuman bolady.
Kúndiz Qaraǵandy oblysynyń keı jerlerinde jel kúsheıedi, kúshi - 18 m/s.
Sondaı-aq Túrkistan oblysynyń basym bóliginde, Qyzylorda oblysynyń shyǵysynda, Jambyl oblysynyń batysynda jáne Qaraǵandy oblysynyń ońtústik-shyǵys bóliginde, Batys Qazaqstan oblysynyń ontústik-shyǵysynda, Shyǵys Qazaqstan oblysynyń soltústik-shyǵys bóliginde óte joǵary órt qaýpi saqtalady.
