Qar aralas jańbyr, jel, tuman: Aldaǵy úsh kúnde aýa raıy qandaı bolady

ASTANA. KAZINFORM — Aldaǵy kúnderi Qazaqstan aýmaǵyndaǵy sınoptıkalyq jaǵdaıdy eki barıkalyq qurylym qalyptastyrady. Aýmaqtyń batys jáne soltústik-batys óńirleri kezeńniń basynda soltústik-batys tsıklonnyń yqpalynda bolsa, kezeńniń sońynda ońtústik jáne ońtústik-shyǵys óńirleri frontaldy bólinýler aımaǵynda bolady. Bul týraly «Qazgıromed» RMQ málim etti.

Bul óńirlerde jańbyr men qar túrinde jaýyn-shashyn kútiledi. Eldiń qalǵan bóliginde soltústik antıtsıklonnyń áseri saqtalyp, jaýyn-shashynsyz aýa raıy boljanady. Respýblıka boıynsha jeldiń kúsheıýi, túngi jáne tańerteńgi ýaqytta — tuman, al ońtústikte — shańdy daýyl kútiledi.

Batys jáne soltústik-batys aımaqtarda aýa temperatýrasynyń tómendeýi kútiledi: túnde +3…+11°S-tan –5…+8°S-qa deıin, kúndizgi temperatýra +5…+18°S shamasynda bolady. Qalǵan aýmaqta: soltústik, ortalyq jáne shyǵys óńirlerde túnde 0…–13°S-tan –3…+3°S-qa deıin jylyný baıqalady. Ońtústik jáne ońtústik-shyǵys óńirlerde túnde 0…+12°S-tan +5…+13°S-qa deıin, kúndiz +10…+23°S shamasynda aýa temperatýrasy kútiledi.

Aıta keteıik, Soltústik Qazaqstan oblysynda ázirge egin oraǵy aıaqtalǵan joq. Byltyr jaýyn-shashyn dıqandarǵa qolbaılaý bolsa, bıyl sýyq aýa raıy oraqqa kedergi keltirip otyr.