Qar aralas jańbyr jaýady: Qazaqstandyqtardy qubylmaly aýa raıy kútip tur

ASTANA.KAZINFORM - «Qazgıdromet» RMK aýa raıy boljamyn habarlady.

Taǵy bir soltústik-batys tsıklony jáne onymen baılanysty atmosferalyq frontaldy ýchaskeler Qazaqstannyń basym bóliginde turaqsyz aýa raıy jaǵdaıyn týdyrady.

28 qańtarda respýblıkanyń batysynda, soltústik-batysynda, soltústiginde, odan keıin Qazaqstannyń qalǵan bóliginde jaýyn-shashyn ártúrli fazalarda boljanady: qar, kóktaıǵaq jáne jańbyr túrinde.

Qazaqstan Respýblıkasynda tuman túsip, jel kúsheıedi, respýblıkanyń soltústik jartysynda burqasyn bolady, respýblıkanyń ońtústigi men ońtústik-shyǵysynda kóktaıǵaq bolady. Temperatýranyń kenetten ózgerýi kútilmeıdi.

Buǵan deıin de «Qazgıdromet» RMK  aýa raıyna baılanysty birqatar óńirde eskertý jarııalaǵan bolatyn.