Qar aralas jańbyr jaýady: Almaty ákimdigi turǵyndarǵa úndeý jasady
ALMATY. KAZINFORM — Almaty qalasynda 13 qarasha túnnen bastap 14 qarasha tańǵa deıin jańbyr jaýyp, arty qarǵa ulasady, aýa temperatýrasy mınýs 3 gradýsqa deıin tómendeıdi dep kútiledi.
Kommýnaldyq ınfraqurylymdy damytý basqarmasy, qala turǵyndaryna jolda keptelis bolý qaýpine baılanysty qozǵalys baǵytyn aldyn ala josparlaýdy usyndy.
«Jaýyn-shashyn kezinde kóktaıǵaq bolýy múmkin, sol sebepti avtokólik júrgizýshilerinen mashınalarynyń dóńgelegin aýystyryp, jyldamdyqty asyrmaýdy, araqashyqtyqty qatań saqtaýdy, al jaıaý júrginshilerden qaýipsizdik sharalaryn saqtaýdy suraımyz»,- delingen habarlamada.
Almatynyń kommýnaldyq qyzmeti kúsheıtilgen rejımge kóshti. 490 arnaıy tehnıka men 1200 jumysshy jumyldyryldy. Aýdandyq ákimdikterde jumys barysyn qadaǵalaý úshin táýlik boıy kezekshilik uıymdastyrylady.
«Qazgıdromettiń» boljaýynsha, 13 qarasha tún ortasynan tańǵa deıin qar aralas jaýyn-shashyn kútiledi. Túnde aýa temperatýrasy +2 gradýs, kúndiz +5+7 gradýs shamasynda bolady.13 qarasha tústen bastap 14 qarasha tańǵa deıin ortasha, keıde qatty jaýyn-shashyn, túnde qar jaýady dep boljanýda. 14 qarashada túnde jáne kúndiz aýa temperatýrasy mınýs 1-3 gradýsqa deıin tómendeıdi»,- dep eskertti ákimdikten.
