Qar aralas jańbyr, kóktaıǵaq: Abaı oblysynyń polıtsııasy eskertý jasady
ASTANA. KAZINFORM — Abaı oblysynda 20-21 qazanǵa qaraǵan túni aýa temperatýrasy tómendep, qar aralas jańbyr jaýady dep kútiledi. Osyǵan baılanysty joldarda kóktaıǵaq paıda bolyp, kólik qozǵalysyna qaýip tónýi múmkin, dep habarlaıdy oblystyq PD baspasóz qyzmeti.
Abaı oblysynyń polıtsııa departamenti turǵyndar men óńir qonaqtaryn jolda saq bolýǵa shaqyrdy.
Quqyq qorǵaý organdary aýa raıy qolaısyz bolǵan jaǵdaıda asa qajettilik bolmasa, alys jolǵa shyqpaýdy usynady.
Júrgizýshilerge qandaı keńes berildi?
Polıtsııa mamandary jolǵa shyǵý qajet bolǵan jaǵdaıda mynadaı qaýipsizdik sharalaryn saqtaýǵa keńes beredi:
-
jol qozǵalysy erejelerin, ásirese jyldamdyq rejımin qatań saqtaý;
-
kólikter arasyndaǵy qaýipsiz qashyqtyqty ulǵaıtý;
-
kenetten tejeý men qaýipti manevrlerden aýlaq bolý;
-
kóliktiń tehnıkalyq jaǵdaıyn aldyn ala tekserý;
-
joldaǵy kóriný deńgeıi men aýa raıy jaǵdaıyn eskerý.
Polıtsııa ókilderi júrgizýshilerdi saqtyq sharalaryn saqtap, ózderiniń jáne ózge de jol qozǵalysyna qatysýshylardyń qaýipsizdigine jaýapkershilikpen qaraýǵa shaqyrdy.
Osyǵan deıin aldaǵy úsh kúnde jańbyr jaýyp, qar túsetin óńirler ataldy.
