Qar aralas jańbyr: Qazavtojol júrgizýshilerge eskertý jasady
ASTANA. KAZINFORM - Búgin Aqmola, Abaı, Pavlodar, Qaraǵandy, Shyǵys Qazaqstan jáne Soltústik Qazaqstan oblystarynda jańbyr aralas qar jaýyp, keı jerlerde qar jaýýy yqtımal, dep habarlaıdy Qazavtjol.
Osyǵan baılanysty respýblıkalyq avtojoldardyń jekelegen bólikterinde joldyń kórinýi qıyndap, jol beti taıǵaq bolýy múmkin.
-Júrgizýshilerge aýa raıyn eskerip, qaýipsiz araqashyqtyqty saqtaýdy, jol jaǵdaıyna qaraı jyldamdyqty tańdaýdy jáne oqys manevr jasamaýdy usynamyz,-delingen habarlamada.
Aıta keteıik, osyǵan deıin Qazgıdromet birqatar óńir boıynsha kún raıyna baılanysty eskertý jarııalady.
