Qar 4 oblysta normadan artyq túsken
ASTANA. KAZINFORM – Ekologııa jáne tabıǵı resýrstar mınıstrligi Kazinform saýalyna joldaǵan jaýapta qar qalyń túsip jatqan óńirlerdi atady.
- «Qazgıdromet» RMK baqylaý beketteriniń 2025 jylǵy 10 qańtardaǵy málimetteri boıynsha 2024-2025 jylǵy sýyq kezeńde, ıaǵnı qarly kezeńde jınalǵan ylǵal qory (tómendegi kestede kórsetilgendeı) respýblıkanyń shyǵys (ShQO, Abaı oblystary), ortalyq (Aqmola oblysy) jáne ońtústik (Túrkistan oblysy) óńirlerinde normadan 16-dan 38%-ǵa deıin joǵary bolyp qalyptasty, - dep jazylǵan jaýapta.
Al Almaty, Jetisý, Qaraǵandy, Pavlodar, Soltústik-Qazaqstan oblystarynda túsken qardyń kólemi osy merzimdik normaǵa saı kórinedi. Aqtóbe, Atyraý, Batys Qazaqstan, Qostanaı jáne Ulytaý oblystarynda jaýǵan qardyń kólemi merzimdik normadan tómen.
Buǵan deıin habarlaǵanymyzdaı, aldaǵy úsh kúnde respýblıka boıynsha temperatýranyń odan ári tómendeýi boljandy. Keı óńirde 40 gradýsqa deıingi qatty aıaz qysýy múmkin.