Qapshyq toly aqshasyn jel ushyryp áketken azamatqa bógde jandar kómektesti

ASTANA. QazAqparat - 25 myń ıýan (mólshermen 1 mıllıon 200 myń teńge) jel ushyryp áketken qytaılyq azamattyń aqshasyn kópshilik túgelge jýyq jınap berdi.

Qytaıdyń news.sohu.com saıtynyń habarlaýynsha, bul oqıǵa Qytaıdyń Dalıan qalasynda bolǵan. Gao esimdi azamat bankomattan kóp kólemde ıýan shyǵaryp alyp, syrtqa bettegen tusta qolyndaǵy aqshasy jerge shashylyp ketken. Jeldiń aqshany ushyra bastaǵanyn kórgen júrginshiler men bank qyzmetkerleri dereý kómekke kelip, aqshany jınaýǵa kirisken. Nátıjesinde aqsha ıesine tolyqtaı qaıtaryldy.

Baqylaý kamerasy túsirgen kadrlardan er adamnyń aqshany kóterip alyp shyqqanyn, biraq ańdamaı shashyp alǵanyn, sondaı-aq jeldiń banknottardy ushyryp áketkenin, muny kórgen bógde adamdardyń dereý kómekke umtylǵanyn kórýge bolady.