Qapshaǵaılyqtar Naýryz meıramyn aǵash otyrǵyzýdan bastady

QAPShAǴAI.QazAqparat - Qapshaǵaıda Ulystyń uly meıramy Naýryz merekesi tal egýden bastaldy. Turǵyndarǵa jeti túrli dámnen daıyndalǵan naýryz kóje usynylyp, aq tilekter aıtylyp, ortalyq alańǵa jaǵalaı tigilgen kúıiz úıler merekeniń sánin kirgizdi, dep habarlaıdy QazAqparat tilshisi.

Kóktemniń ulyq merekesinde Qydyr ata bastaǵan jáne Aldar kóse, Tazsha bala sııaqty qazaq ertegileriniń keıipkerleri bar teatrlandyrylǵan qoıylym kórsetilip, kópbalaly analarǵa altyn, kúmis alqalar tapsyryldy. Altyn alqany Ardaq Úınalaqova men Marııam Jumanova, kúmis alqany Nurgúl Ábırova men Aıbolǵan Lokasheva taqty.

«Qapshaǵaı qalasy Naýryz merekesine daıyndyqty tazalyqtan bastady. Oblys ákiminiń sheshimi boıynsha eki aılyq tazalyq kúnderi jarııalanǵan. Osyǵan oraı biz birneshe senbilik ótkizdik. Oǵan halyq baǵasyn bere jatar», -dedi Qapshaǵaı qalasy ákiminiń orynbasary Іlııas Súgirov.

Meıram «Alataý ánderi», «Qulan saz» folklorlyq ansambli men jergilikti ónerpazdar ázirlegen merekelik kontsertke ulasty.