Qapshaǵaıǵa batyp kete jazdaǵan 15 jáne 16 jasar eki qyz qutqaryldy

QAPShAǴAI. QazAqparat - Almaty oblysynyń qutqarýshylary Qapshaǵaı sý qoımasynda eki qyzdy qaman alyp qaldy, dep habarlaıdy QazAqparat.

Oblystyq tótenshe jaǵdaılar departamentiniń málimetinshe, oqıǵa 10 shilde kúni saǵat 15:10 shamasynda bolǵan.

Qonaev qalasy jedel-qutqarý jasaǵy osy ýaqytta Qapshaǵaı sý qoımasyndaǵy №7 qalalyq jaǵajaıdy patrýldep júrgen.

Sonyń barysynda jaǵalaýdan 30 metr qashyqtyqta 2007 jáne 2006 jyly týǵan balalar qutqarylǵan.

«Qyzdar kóldiń tereń jerine baryp, bata bastady. Qutqarýshylar qyzdardy qaýipsiz jaǵalaýǵa evakýatsııalady. Balalar medıtsınalyq kómekti qajet etpedi» delingen TJD habarlamasynda.

Almaty oblysynyń TJD azamattardy sýǵa shomylý maýsymynda barlyq qaýipsizdik sharalaryn saqtaýǵa shaqyrady.

Foto: instagram.com/almatyobl_tjd