Qapshaǵaıdyń basyndaǵy ókinishti jaǵdaı Alakólde qaıtalanbasyn - sarapshy
«Alakól - Qazaqstannyń týrızmdi damytýdaǵy qazynasynyń biri. Bul kóldi qorǵaý kerek. Onyń sýy sapasy jaǵynan Ystyqkólden asyp túsedi. Meniń oıymsha, týrısterdiń úlken úlesi jaqsy túsim ákeledi, degenmen josparly túrde áreket etý kerek. Qapshaǵaı demalys aımaǵynyń qaıǵyly tarıhyn qaıtalamaý kerek»,-dedi Igor Koval Ortalyq Azııa elderi ókilderi keńesinde.
Onyń aıtýynsha, Alakól qasıetin joǵaltpaı, shıpajaı retinde uzaq jyldar saqtalýy úshin aldyn ala sharalar qoldanylýy tıis.
«Qapshaǵaı jaqsy mysal bola alady. Keńes kezinde aldymen týrıstik aımaqty jetildirýdi oılaıtyn, al qaldyqtardy qaıda jiberý keregin keıin paıymdaıtyn. Alakóldiń de sýy basqa demalys aýmaǵyndaǵydaı lastanbas úshin onyń aldyn alý kerek. Árbir adam óz aınalasyn tazalamaǵandyqtan, ekologııalyq másele týyndaıdy. Baıanaýylda da osyndaı qıyndyq týyndap otyr, qazir aqyryndap sheshimin taýyp keledi. Qaldyqty qaıta óńdeý, qoqys jınaý júıesin engizý kerek»,-deıdi Igor Koval.
Eske sala ketsek, Almatyda Ortalyq Azııanyń 10 eli men irgeles memleket ókilderi qatysqan eki kúndik óńirlik keńes ótip jatyr. Munda transshekaralyq ózender resýrstaryn basqarý jónindegi máseleler talqylanýda.
