Qapshaǵaıdaǵy urlyq beınebaqylaý kamerasynyń kómegimen ashyldy
TALDYQORǴAN. QazAqparat - Qapshaǵaıda polıtseıler beınebaqylaý kameralarynyń kómegimen urlyq deregin ashty, dep habarlaıdy QazAqparat tilshisi.
Almaty oblysy PD baspasóz qyzmetiniń habarlaýynsha, aǵymdaǵy jyldyń 30 qazanynda Qapshaǵaı QPB kezekshi bólimine 35 jastaǵy qala turǵyny úı aýmaǵynan quny 130 000 teńgeni quraıtyn qurylys materıaldarynyń urlanǵany týraly aryzdanǵan. Atalǵan derek QR QK 188-babynyń 2-bóligi boıynsha tirkeldi.
Bul qylmysty tergeýshiler bir táýlik ishinde izin sýytpaı ashty. Beınebaqylaý kameralary arqyly urlyq jasaǵandardyń belgileri men qozǵalys baǵytyn anyqtaǵan tártip saqshylary 38 jáne 33 jastaǵy eki jergilikti turǵyndy qolǵa túsirdi. Ustalǵandardyń aıtýynsha, olar metall shatyrdy bólshektep, temir qabyldaıtyn orynǵa ótkizgen, al kabel astyndaǵy aǵash katýshkany úılerine aparǵan. Óz is-áreketin moıyndaǵan kúdiktilerge eshqaıda ketpeý jáne tıisti minez-qulyq týraly qolhat túrindegi bultartpaý sharasy tańdaldy.
«Qazirgi zamanaýı tehnıkalar polıtsııa qyzmetkerlerine qylmystardy ashýda úlken septigin tıgizýde. Atap aıtqanda, beınebaqylaý júıeleri. Bul mysaldan obektıvke túsip qalǵan azamattardyń kabel astynan katýshkany orap jatqanyn kórýge bolady. Bul kadrlardy kórgen polıtsııa qyzmetkerleri kúdiktilerdi tez arada anyqtady»,- deıdi Qapshaǵaı QPB JPQB bastyǵy polıtsııa polkovnıgi Talǵat Bıgalıuly Bazıev.
