Qapshaǵaıdaǵy reıdten keıin 3 keme aıyp turaǵyna qoıyldy
ASTANA. KAZINFORM — Almaty oblysy Tótenshe jaǵdaılar departamenti sý aıdyndaryndaǵy qaýipsizdik sharalaryn kúsheıtti.
Vedomstvo qyzmetkerleri qala prokýratýrasy jáne Kóliktik baqylaý ınspektsııasymen birlesip, Qapshaǵaı mańyndaǵy Іle ózeni aýmaǵynda reıdtik is-shara ótkizdi.
Sharanyń negizgi maqsaty — sýdaǵy qaýipsizdikti qamtamasyz etý jáne quqyqbuzýshylyqtardyń aldyn alý.
Reıd barysynda qaýipsizdik talaptarynyń birqatar buzýshylyqtary anyqtaldy.
— Nátıjesinde Qazaqstan Respýblıkasynyń Ákimshilik quqyqbuzýshylyq týraly kodeksiniń 412 jáne 582-baptary boıynsha 7 ákimshilik hattama toltyryldy. Sonymen qatar, qujattarynyń bolmaýy jáne qaýipsizdik talaptaryna saı kelmeýine baılanysty 3 shaǵyn kólemdi keme aıyppul turaǵyna qoıyldy, — delingen habarlamada.
Tótenshe jaǵdaılar departamenti turǵyndardy saqtyq sharalaryn qatań ustanýǵa shaqyrady. Mamandardyń aıtýynsha, sý aıdyndarynda qaýipsizdik erejelerin saqtaý — adam ómiri men densaýlyǵyn qorǵaýdyń basty kepili.
Osyǵan deıin Qapshaǵaı sý qoımasynda jeńil avtokólik muzdy jaryp, sýǵa batyp ketkenin jazǵanbyz.
