Qapshaǵaıda jurt jaz aılarynda ǵana emes, jyl boıy demalatyndaı jaǵdaı jasaý qajet
QONAEV. KAZINFORM – Alataýdyń bas josparynda «Golden District» aýdany bolashaqta halyqaralyq bilim jáne ǵylym ortalyǵy bolady dep kórsetilgen. Qalada ozyq bilim beretin orta qalyptastyrý úshin júıeli jumys júrgizý qajet. Bul týraly Prezıdent Almaty oblysyna jumys sapary barysynda aıtty.
- «Green District» aýdany tartymdy týrıstik klaster bolýǵa tıis, mıllıondaǵan týrısti qabyldaýǵa daıyn bolýy kerek.
Osy oraıda, Qapshaǵaı sý qoımasyndaǵy demalys aımaǵynyń mańyzy aıryqsha bolady. Biraq munda jurt jaz aılarynda ǵana emes, jyl boıy demalatyndaı, ıaǵnı, shańǵy, snoýbord, konkı, balyq aýlaý jáne basqasyna jaǵdaı jasaý qajet. Áıtpese, jospardyń bári qaǵaz júzinde qalyp qoıatyny aıdan anyq.
Sý qoımasynyń jaǵalaýyndaǵy beı-bereket qurylysty doǵarý kerek, barlyq jumys ret-retimen, bas josparǵa saı júrgizilýge tıis, - dedi Qasym-Jomart Toqaev.
Onyń pkirinshe, qonaq úıler men meıramhanalardan bastap, demalys saıabaqtaryna deıin barlyq nysandardyń syrt kelbetine basa nazar aýdarǵan jón.
- Olardyń sáýleti, ıaǵnı, arhıtektýralyq stıli kórikti jáne biryńǵaı bolýǵa tıis. Túptep kelgende, qala ınfraqurylymy týrızmniń qarqyndy, sapaly damýyna jol ashýy kerek. Osylaısha, túsken qarajatty osy aımaqtyń ıgiligine jumsaýǵa bolady, - dep túsindirdi Memleket basshysy.
Aıta keteıik, Qasym-Jomart Toqaev Alataýdyń áleýmettik ınfraqurylymyn kúsheıtýdi tapsyrdy.
