Qapshaǵaıda joǵalǵan balyqshynyń denesi qaıyqtan tabyldy
TALDYQORǴAN. QazAqparat - 24 qarasha kúni Qapshaǵaı sý qoımasyna balyq aýlaýǵa shyǵyp, artynsha joǵalyp ketken eki balyqshynyń bireýiniń múrdesi tabyldy. 1961 jylǵy azamattyń múrdesi rezeńke qaıyqtyń ishinen shyqty, dep habarlaıdy QazAqparat tilshisi.
«27 qarasha kúni saǵat 17:00 shamasynda izdeý tobyna Qapshaǵaı sý qoımasynyń ońtústik jaǵalaýynda izdeýdi júrgizip júrgen eriktilerden Shelek aýyly manynda jergilikti balyqshymen rezenke qaıyq tabylǵandyǵy týraly qonyraý tústi. Qaıyqtyń ishinde qaza bolǵan balyqshynyń denesi tabylǵan»,- delingen Almaty oblystyq TJD baspasóz qyzmeti taratqan aqparatta.
Atalǵan vedomstva ókilderi, balyqshylar aýa-raıynyń qolaısyzdyǵyna qaramastan balyq aýlaýǵa shyǵyp ketken dep otyr. Óıtkeni, 22 qarasha kúni Almaty oblysynyń turǵyndaryna 24 qarasha kúni qatty jel soǵyp, aýa-raıynyń qolaısyz bolatyndyǵy jóninde habarlama taratylǵan bolatyn. Biraq, osyǵan qaramastan Qapshaǵaı qalasynyń eki turǵyny Qapshaǵaı sý qoımasyna balyq aýlaýǵa shyǵyp ketken.
«Anyqtalǵandaı, olar eki oryndy rezenke qaıyqqa aýa toltyryp sýǵa túsirgen. Sýǵa shyqpaýlary týraly bir balyqshy olarǵa eskertipti. Óıtkeni jaqyn arada qarańǵy túsip jel kúsheıýi múmkin degen. Osyǵan qaramastan olar báribir sýǵa shyqqan. Biraz ýaqyttan soń kúshti jel soqqandyqtan ol balyqshylardy kórý úshin vagonnan syrtqa shyqqan, alaıda eki balyqshy sol ýaqytta eshjerde kórinbegen. Kúshti jeldiń jáne úlken tolqynnyń saldarynan sýda qutqarý jumystaryn júrgizý múmkindigi bolmady. Tek uzyndyǵy 10 km jaǵalaý qıyǵynyń ýchaskesi ǵana tekserildi.Іzdeý jumystary nátıje bermedi», - dep málimdedi oblystyq TJD baspasóz qyzmetinen.
Al joǵalǵan 1969 jylǵy ekinshi balyqshy áli tabylmady. Іzdeý jumystary jalǵasýda.
Esterińizge sala keteıik, buǵan deıin Almaty oblysynda joǵalǵan 4 balyqshy izdestirilip jatqanyn habarlaǵan bolatynbyz. Joǵalǵandardyń joǵalǵan meken-jaılary ár túrli. Ázirge tek bir adamnyń ǵana múrdesi tabyldy.
