Qapshaǵaıda «jasyl» energııa óndiretin birneshe stansa salynady
TALDYQORǴAN. QazAqparat - Bıyl Qapshaǵaıda birneshe elektr stansasynyń qurylysy bastalady dep josparlanýda. Bul shaharǵa qarasty aýyldardy jańartylatyn energııa kózimen qamtamasyz etýge múmkindik beredi. Bul jóninde Qapshaǵaı qalasynyń ákimi Talǵat Qaınarbekov brıfıng barysynda málim etti, dep habarlaıdy QazAqparat tilshisi.
Bıyl «Nadejnye vysokıe tehnologıı» JShS qýaty 50 MVt bolatyn kún elektr stansasynyń qurylysyn bastamaq. Jobaǵa 25,3 mlrd teńge ınvestıtsııa tartylady.
Sonymen qatar «GES-Energo Almaty» JShS Іle ózeniniń boıynan qýaty 49,5 MVt sý elektr stansasyn salýdy josparlaýda. Qurylys jumystary 2020 jyly aıaqtalady. Joba quny - 25 mlrd teńge.
Budan bólek, qýattylyǵy 9 MVt bolatyn «Sarybulaq JES» JShS 11 jel elektr stansasyn turǵyzýdy kózdeýde. Oǵan 7,5 mlrd teńge qarjy jumsaý kózdelgen.
Talǵat Qaınarbekovtyń sózinshe, Qapshaǵaı qalasy men oǵan qarasty eldi mekender 4 baǵyt boıynsha damýda. Birinshisi - ónerkásip pen aýylsharýashylyq salalary, ekinshi - shaǵyn jáne orta bıznes, týrızm, úshinshisi - qalanyń turǵyn úı-kommýnaldyq júıesi jáne sońǵysy - áleýmettik sala.
Ótken jyldyń qortyndysy boıynsha qalada óndiris ónimderiniń jalpy kólemi 55 mlrd tengege jetken. Bul 2016 jylmen salystyrǵanda 3,7 mlrd teńgege artyq. Jalpy Qapshaǵaı qalasynda 42 óndiris kásiporny bar.
