Qapshaǵaıda jas qyz ben jigit sýǵa batyp ketti

TJM málimetinshe, 1 shildede «112» pýltine Qonaev qalasynyń «Jasa» demalys aımaǵy aýdanynda, shomylýǵa jabdyqtalmaǵan jerde eki jas adamnyń sýǵa batyp ketkeni týraly habarlama túsken.

Qutqarýshylar kelgenge deıin demalýshylar jaǵadan shamamen 30 metr qashyqtyqta sý ishinde bolǵan 2006 jylǵy boıjetkenniń denesin shyǵarǵan. Ekinshi joǵalǵan adamdy izdestirý úshin Almaty oblysy TJD Jedel-qutqarý jasaǵynyń kúshteri jumyldyrylǵan.

- Іzdestirý jumystary táýlik boıy júrgizildi. 2 shilde kúni tańerteń qutqarýshylar Qapshaǵaı sý qoımasynyń jaǵalaý syzyǵynan 2004 jyly týǵan er adamnyń denesin tapty. Ol aldyn ala málimetter boıynsha, qaza tapqan boıjetkenmen birge bolǵan, - dep habarlady mınıstrlikten.

TJM azamattarǵa sýdaǵy qaýipsizdik erejelerin saqtaý mindetti ekenin eskertti.

Eske salaıyq, Alakólde shomylyp júrgen anasy sýǵa batyp, qyzy aman qaldy.