Qapshaǵaıda jalǵyzbasty áıeldi zorlaǵan kúdiktiler ustaldy
TALDYQORǴAN. QazAqparat - Almaty oblysynda jalǵyz basty áıeldi zorlap, tonady degen kúdikpen Qapshaǵaı qalasynyń eki turǵyny ustaldy, dep habarlaıdy QazAqparat tilshisi.
Kúdiktiler aýyr qylmys jasaǵanyn moıyndap, alǵashqy jaýaptaryn berdi.
«Bul oqıǵa Qapshaǵaı qalasynda qazan aıynyń 14-nen 15-ne qaraǵan túni bolǵan. Jergilikti polıtsııa bólimine 37 jasar áıel úıine beıtanys adamdardyń basa kóktep kirip, zorlap jáne tonap ketkenin aıtyp shaǵymdanǵan. Jábirlengen azamatsha qylmyskerdiń ekeý bolǵanyn aıtyp, olar 67 myń teńgeni qoldy qylǵanyn túsindirdi. Tártip saqshylary jedel áreket etip, birneshe saǵatta kúdiktilerdi anyqtap, qolǵa túsirdi», dep málim etti oblystyq ІІD baspasóz qyzmeti.
Belgili bolǵandaı áıel jalǵyz ózi turyp jatqan. Osyny paıdalanǵan kúdiktiler birneshe kún boıy aram pıǵyldaryn josparlaǵan. Qazirgi tańda kúdiktiler qamaýǵa alyndy. Qylmystyq is qozǵalyp, tergeý amaldary jalǵasýda.
