Qapshaǵaıda jaǵadan uzap ketken bes adam qutqaryldy

QONAEV. QazAqparat - Almaty oblysynyń qutqarýshylary Qapshaǵaı sý qoımasynda jaǵadan 1,5 shaqyrymǵa uzap ketken bes adamdy qutqardy, dep habarlaıdy QazAqparat tilshisi.

Almaty oblysy TJD baspasóz qyzmetiniń málimetinshe, 28 mamyr kúni saǵat 15.45-te TJD-nyń kezekshi bólimine Qapshaǵaı sý qoımasynyń soltústik jaǵalaýyndaǵy «Altyn qumdar» demalys bazasy aýdanynda, shomylýǵa tyıym salynǵan orynda úrlemeli dıvan baılanǵan gıdrotsıkldyń synǵany týraly habarlama túsken.

Úrlemeli dıvan ústinde 5 adam (1986 j.t er adam, 1984 j.t áıel adam, 2007 j.t jigit, 2006 j.t qyz jáne 2013 j.t qyz) boldy.

Qutqarýshylar oqıǵa ornyna kelgende, júzýge arnalmaǵan zatqa, úrlemeli dıvanǵa mingen adamdar sý kóliginiń aqaýyna baılanysty jaǵadan 1500 metr qashyqtyqta qalǵany belgili boldy.

«Beseýi de qutqarylyp, jaǵaǵa jetkizildi. Medıtsınalyq kómek qajet bolǵan joq. Ata-analarǵa qatysty QR ÁQBtK-niń 412-babyna sáıkes aıyppul túrinde ákimshilik jaýapqa tartý boıynsha sharalar qabyldandy. Apattyq-qutqarý jumysyna Almaty oblysy TJD-nyń 3 qutqarýshysy men 1 júzý quraly jumyldyryldy.

Almaty oblysynyń tótenshe jaǵdaılar departamenti turǵyndardy sýdaǵy qaýipsizdik erejelerin saqtaýǵa shaqyrady.