Qapshaǵaıda zeınetker áıeldi óz úıinde pyshaqtap ketti
QAPShAǴAI. QazAqparat - 12 qarasha kúni Almaty oblysyna qarasty Qapshaǵaı qalasynda 66 jastaǵy zeınetkerdiń óli denesi óz úıiniń jýynatyn bólmesinen tabyldy. Asa aýyr qylmysty jasady degen kúdikpen zeınetkerdiń jaqyn tanysy, 61 jastaǵy azamat ustaldy, dep habarlaıdy QazAqparat tilshisi.
Qaıtys bolǵan áıel kóptegen pyshaq jaraqatyn alǵan. Jedel-izdestirý barysynda zeınetkerdiń jaqyn tanysy kúdikti retinde ustaldy.
«Kisi ólimimen aıaqtalǵan oqıǵa alkogoldik ishimdik ishý barysynda jasalǵan. Kúdikti er azamat kinásin moıyndap, túsinikteme berdi. Qazir ol ýaqytsha ustaý ızolıatorynda qamaýda otyr. Sot-aldy tergeý QR QK 99-baby «Adam óltirý» faktisi boıynsha júrip jatyr. Oqıǵa ornynynan tárkilengen as úı pyshaqtary tergeý materıalyna aıǵaq zat retinde tirkeldi», - dedi Qapshaǵaı qalalyq polıtsııasy basshysynyń birinshi orynbasary Azamat Turǵynbaev.
Zańǵa sáıkes adam óltirgen kúdiktige segiz jyldan on bes jylǵa deıin basbostandyǵynan aıyrý jazasy taǵaıyndalady.
