Qapshaǵaıda turǵyndar eki aptadan beri jylýsyz otyr
TALDYQORǴAN. QazAqparat - Qapshaǵaıda eki aptadan beri jylýsyz otyrǵan turǵyndardyń máselesin sheshýge qala ákimi kiristi, dep habarlaıdy QazAqparat tilshisi.
Qapshaǵaı qalasy ákimdiginiń resmı málimetinshe, shahardaǵy úshinshi shaǵynaýdanynda ornalasqan №1 turǵyn úı búginde jylý júıesine qosylmaǵan. Soǵan sáıkes óńir ákimi Nurlan Qumataev pen turǵyn úı kommýnaldyq sharýashylyq, taýarlar men kórsetiletin qyzmetterdiń sapasy men qaýipsizdigin baqylaý, jergilikti polıtsııa bólimderi men «Qapshaǵaı jylý», «Qapshaǵaı Sý Arnasy» mekemeleriniń basshylary atalǵan yqsham aýdanyna baryp, máseleniń mán-jaıyn anyqtady.
Atalmysh úı turǵyndarynyń sózine qaraǵanda, munda ornalasqan «Grot» kafe ıesi aýyz sý men jylý júıelerin tolyqtaı jaýyp tastap, sonyń saldarynan halyq eki apta kóleminde jylý men sýǵa zar bolyp keledi.
Osylasha kópshilik narazylyǵyn týdyrǵan tamaqtaný ornynyń ıesi bul jıynda tóbe kórsetpeı, ǵımarat esigine qara qulyp salyp, kelmeske ketkenge uqsaıdy.
Óz keziginde qala basshysy ózimen birge kelgen jaýapty sala azamattaryna bul problemany dereý sheship, jaqyn kúnderde halyqty sý jáne jylýmen qamtamasyz etýdi tapsyrdy.
Osyǵan baılanysty «Qapshaǵaı jylý», «Qapshaǵaı Sý Arnasynyń» mekemeleriniń mamandary kelip, jumystaryn júrgizip, turǵyndarǵa qajettiniń bárin qalpyna keltiretin bolady.
