Qapshaǵaıda túngi klýbtyń túgi qalmaı órtenip ketti
TALDYQORǴAN. QazAqparat - Qapshaǵaıda túngi klýb órtendi. Qyzyl jalyn 400 sharshy metr jerdi sharpyǵan. Al ǵımarattyń órtenip jatqandyǵy jóninde aqparat búgin túngi saǵat on ekiden 50 mınýt ketkende tótenshelikterge túsken, dep habarlaıdy QazAqparat tilshisi.
Alapat órtti sóndirýge tipti Almatydan da mamandar tartyldy. Megopolısten eki arnaıy tehnıka jáne 9 órt sóndirýshi keldi, Almaty oblysynyń TJD-nyń 6 tehnıkasysy men 30 mamany tilsiz jaýmen arpalysty. Tek túngi saǵat 03:45-te órt tolyq aýyzdyqtaldy.
«Órtengen ǵımarattyń birinshi qabatynda avtobólshekter satylatyn dúken bolǵan. Al ekinshi qabatynda «Raı» túngi klýby ornalasqan. Abyroı bolǵanda zardap shekkender joq», - dedi oblystyq TJD baspasóz qyzmetiniń ókili Azamat Jurtbaev. Mamandar birinshi kezekte órttiń jaıylýyna jol bermedi. Sebebi, órtke oranǵan ǵımarattyń janynda dámhana, dúken jáne dárihana bolǵan.
g.Kapshagaı Bolshoı magazın zapchasteı ı karaoke bar. #Almaty #Astana #Karaganda #Shymkent #Týrkestan #Jetysaı #Saryagash #Aktobe #Atyraý #Pavlodar #Taraz #Kyzylorda #Semeı #Kokshetaý #Temırtaý #Jezkazgan #Balhash #Taldykorgan #Kostanaı #Oral #Petropavl #Oskemen #Aktaý #kris_p_almaty #🇰🇿 #kz #kaz #qaz
